ORANJESTAD (AAN) – Door di e retiro anuncia pa Minister Otmar Oduber, y cu e lo wordo reemplaza pa drs. Marisol Lopez-Tromp, actual lider di POR den Staten, lo tin cambio den Parlamento.
Minister Otmar Oduber a trece e punto aki dilanti y a informa cu Diamars mainta e tabata den combersacion ainda cu dr. Deyanira Maduro, cu ta e siguiente riba lista despues di Sra. Joselin Croes.
Manera ta conoci sra. Croes ta ocupando e cargo di Minister Plenipotenciario na Washington, unda e Minister Otmar Oduber a acentua, e ta ehecutando un tremendo trabao y gobierno ta desea pa e keda eynan y el a bay di acuerdo tambe, Dr. Maduro pronto lo bin bek di su vacacion y na December venidero e lo asumi su cargo di reemplazante di drs. Marisol Lopez-Tromp, den Parlamento.
