Home Deporte Eagles tras di otro tremendo performance di Millizienne Richardson ta derota Aruba...

Eagles tras di otro tremendo performance di Millizienne Richardson ta derota Aruba Bank Lady Tigers

35
0
SHARE
- Advertisement -

ORANJESTAD (AAN) – Campeonato Heineken fast pitch femenino AA dedica na baluartenan Jacobo Jansen y Gilbert “Nando” Maduro a continua riba canchanan na Pos Chiquito.

Den un tremendo partido e muchanan di Eagles ta mantene nan invicto derotando e fuerte equipo di Aruba Bank Lady Tigers. Aruba Bank ta anota 1 careda den cabez di promer inning poniendo presion pero mesora den bom di promer inning Eagles ta responde cu 2 careda.

Millizienne Richardson ta preta brasa y no a permiti ningun careda mas. Eagles ta anota 1 careda den bom di 3 y ta amplia cu dos careda mas den bom di 4 inning pa finalmente sali victorioso den e encuentro aki. Boxscore final Eagles 5 careda, 8 hit, 1 error y ta laga 6 coredor na base. Aruba Bank Lady Tigers 1 careda, 2 hit, 1 error y ta laga 2 coredor den circulacion.

All by all un tremendo partido di softball femenino. Mihor bateadornan pa Eagles ta Myah Thompson 3-3 incluyendo un triple mas 2 rbi , Millizienne Richardson 2-2, Yee Mei Cheong 3-1, Gilda James 2-1 cu un doblete, Diandra Heyliger 1-1. Pa Aruba Bank Lady Tigers a destaca na plato Ilajay Tromp kende a bay di 2-2  batiendo e unico 2 hitnan di e partido pa su equipo alaves impuhando e unico careda.

Millizienne Richardson ta bay cu un otro victoria riba su nomber enfrentando 18 bateador tirando 24 bola, 57 strike pa un total di 81 lansamento permitiendo 2 hit mas 1 careda propinando un total di 8 ponche y no ta regala base por bola. Mandy Angela ta resulta e pitcher perdedor y ta enfrenta 20 bateador lansando 20 bola, 41 strike pa un total di 61 pitch permitiendo 8 hit y 4 careda redalando solamente 1 base por bola. Rudlyn Ras ta releva den ultimo inning 1 tercio pa saca e ultimo out.

Diahuebs awor 19 di september campeonato ta contiunua pa 7pm “sharp sharp” unda den categoria U17 Eagles lo enfrenta Lady Blue Marlins, diabierna pa 7pm den categoria AA Eagles lo enfrenta Rockets mientras pa 830pm Jaguars Vitamin Water lo topa cu Aruba Bank Lady Tigers, Diasabra pa 3pm den categoria U17 Rockets vs Eagles y pa 5pm den categoria AA Rockets vs Eagles.

Tur e weganan ta programa riba canchanan na Pos Chiquito. Un fanaticada bastante grandi ta apoyando nos atletanan y abo tambe ta keda cordialmente invita pa bin apoya e futuro nan di mañan.

- Advertisement -

DUNA COMENTARIO

Please enter your comment!
Please enter your name here