Un vitrina comercial amplio presenta
ORANJESTAD (AAN): Den fin di siman a tuma lugar den Renaissance Convention Center e prome Pereira, Risalda Health and Medical Destination Show cual tabata un evento hopi interesante pa asina por a haci un muestra di tur locual Pereira por ofrece Aruba ariba tereno di salud.
Den entrevista cu Katherine Arango. directora di e cluster Risaralda Comfort Health, cu ta un cluster di turismo di salud y bienestar di Risaralda cual ta integra pa 43 institucion di e sectornan di salud manera clinicanan, centronan medico, specialistanan. Pa loke ta turismo tabata tin hotelnan y centronan di bienestar di Pereira, Risaralda ubica den e asina yama ‘eje cafetero’.
Segun Arango, ta trata di un ciudad hopi safe y menos costoso door di ta un ciudad mas chikito. Compara cu e costonan na nivel internacional, tin costonan hopi competitivo den salud.
Diasabra e expositornan por a presenta un vitrina comercial amplio cu participacion di 20 institucion di e cluster.
E vocero a indica cu nan a reuni cu AZV aki na Aruba tambe cu Camara di Comercio. ATIA, ATA cu e meta di haci convenionan.
A agrega cu AZV ta haci convenionan cu clinicanan cu tin acreditacion y pa esaki ta evaluando e posibilidad. A indica cu tambe nan ta disponibel na e publico final cu ta interesa den haya atencion sin cu mester haci uso di seguro, kiermen ariba propio costo.
Finalmente, Katherine Arango a laga sa cu tin hopi arubiano cu sa bay Pereira, Risaralda pa haya nan tratamentonan.
