ORANJESTAD (AAN): Paseo Herencia a lanza su campaña di “Shop, Dine, Redeem & Win” for di August 8 te cu dia 25 unda cu tur esnan cu a inscribi pa Paseo su Loyalty Program automaticamente a participa pa gana e tremendo premio cu tabata consisti di vuelo pa dos persona pa Curacao cu Aruba Airlines, estadia na Livingstone Jan Thiel Resort y tickets pa tur 3 concierto di e Curacao North Sea Jazz Festival.
Mirando e grandioso premio, Paseo Herencia a ricibi hopi bishitante cu a inscribi rapidamente na Paseo su parking cashier.
E feliz ganador Darryl Bareno a wordo anuncia via e programacion di Power FM cu Ruben Garcia riba 26 di augustus. E ganador a ricibi un yamada via radio y a keda sumamente contento. Sigur un experiencia inolvidabel.
E ganador a informa cu ora e la tende di e campaña e la bai inscribí mesora y a registra su puntonan di biaha na e Parking Cashier. Darryl ta un fiel cliente di Starbucks y cu su puntonan acumula e la gana e tremendo premio aki.
Pa tur esnan cu ta interesa den Paseo su programa por pasa na Paseo cu parking cashier pa inscribi. Solamente mester yena nomber, number di telefon y email. Cu cada compra cu wordo hasi na Paseo Herencia su tienda, restaurantnan y cinema por manda un potret di e recibo na Paseo su Facebook Messenger of por hiba esaki personalmente na Paseo su Parking Cashier pa registra e puntonan.
E puntonan acumula por wordo intercambia pa diferente producto di Paseo Herencia.
Paseo Herencia lo continua cu mas campaña y promocionan pa e Loyalty Members. Si ta desea mas informacion por pasa na nos parking cashier pa sign up.
