Home Bites Garage Cordia a lanza nan Toyota Corolla nobo

Garage Cordia a lanza nan Toyota Corolla nobo

59
0
SHARE
- Advertisement -

Durante anochi dedica na Prensa local

ORANJESTAD  (AAN): Garage Cordia a organisa un anochi di benta siman pasa pa lansa e modelo nobo di Toyota Corolla. Tambe e anochi aki a tene un celebracion pa Dia di Prensa cu diferente regalo scondi den e autonan.

Alvin Thijsen, gerente di Benta na Garage Cordia a bisa cu ta cu masha orguyo nan a lansa e di 12 generacion di Toyota Corolla, como un di e prome mercadonan den Caribe. E modelo di Toyota Corolla a sali pa prome biaha na November 1966 y ta un auto masha popular y bon bendi mundialmente. Esaki ta prome biaha cu Toyota Corolla ta bin den e bachi di Hybrid.

E Toyota Corolla nobo ta hopi deportivo, e front dilanti ta hopi robusto. E parti patras ta laga e auto mustra hopi bunita, e acabado ta completamente diferente. E parti interior ta full di cuero, tambe e ta bin cu un screen grandi di 7 inch, cu USB, Bluetooth, audio control riba e stuurwiel. Awendia locual ta hopi importante ta e wireless charger, pasobra tur biaha ta lubida kabel di telefon na cas, y awo ta djis conecta esaki den e auto pa charge celular. E wireless charger ta charge tur celular cu ta wireless capability, manera Galaxy of SamSung 7 y iPhone 8  bay ariba cu ta wireless charger.

Tabatin hopi interes pa cera conoci cu e auto, di cual algun luna atras Garage Cordia a tene un presale y a ricibi bon reaccion.

E interes tabata grandi pasobra Garage Cordia tabatin 18 luna sin e Corolla. Ta consciente cu ora e modelo cambia, cu tur hende lo kier e nobo. A wanta un tiki y awo tur cu a warda un tiki ta ricibiendo nan Corolla.

Como cu dia 1 di September ta celebra Dia di Prensa na Aruba, Garage Cordia a probecha pa combina e celebracion hunto cu e car night, cual a tuma luga e ultimo diahuebs di luna, asina Joylene de Nobrega, marketing coordinator di Garage Cordia a indica. A dicidi di invita prensa pa goza di un anochi cu yen di ambiente.

 

- Advertisement -

DUNA COMENTARIO

Please enter your comment!
Please enter your name here