Hopi keho relaciona cu venenamento di pushi y cacho na varios bario

    298
    0
    SHARE
    - Advertisement -

    Ta constata modus operandi pa venena bestia

    ORANJESTAD (AAN):   DIARIO a haya informacion for di un fundacion cu ta atende cu e problematica di bestia ariba caya cu den e ultimo simannan a drenta varios keho relaciona cu venenamento di pushi y cachonan den algun bario.

    Ta menciona entre e otro Sabana Liber, San Barbola, Piedra Plat, Paradera y Santa Cruz.

    Lo ta bon pa esnan cu tin bestia pa tuma nota di obhetonan sospechoso manera alimento of articulonan cubri cu cuminda den forma camufla.

    Di bo mira un obheto rond di bo cas, den cura of ariba acera kita nan for di e alcance di algun pushi of cacho ya cu nan por bira victima di personanan sin escrupulo y cu mal intencion.

    Sea alerta y observa di cerca bo mascota pa detecta sintomanan di intoxicacion. Si un  caso asina sosode ta recomenda pa yama Polis y haci e denuncia, pero tambe atende cu e bestia si ainda e ta na bida.

    E practicanan aki mester bira conoci y banda di esaki mester proteha e bestianan.

    Riba Potret, un weso cu cachonan ta gusta masha hopi pa kauw a wordo haya y ta riparando cu e malhechornan ta usando e sorto di articulonan aki of otronan pa venena bestia. Please sea alerta.

    Potret: facebook

    - Advertisement -

    DUNA COMENTARIO

    Please enter your comment!
    Please enter your name here