Home Gobierno Lo aumenta castigo pa esnan cu yuda prisionero huy y esnan cu...

Lo aumenta castigo pa esnan cu yuda prisionero huy y esnan cu dune refugio

48
0
SHARE
- Advertisement -

Minister di Husticia cu propuesta di ley:

ORANJESTAD (AAN) – Minister di Husticia mr. Andin Bikker, a duna di conoce den conferencia di prensa di Gobierno, Dialuna mainta, cu e ta bay presenta un propuesta di ley unda cu entre otro, ta bay aumenta e castigo pa e persona cu ta yuda un prisionero scapa for di KIA y pa esun cu dune refugio.

Tambe lo bin cu castigonan mas severo ora un prisionero purba di huy di prison. Tambe lo introduci un ley cu a caba di pasa na Hulanda y cu por ta aplicable na Aruba, pa personanan cu ta purba introduci contrabando of cualkier cos cu no ta permiti pa ta den un Instituto Coreccional. Esaki tambe ta bira castigable.

Gobierno ta modernizando e leynan pa des-stimula e tipo cu accionanan aki, y entre otro cu ora tin huida personanan pafo of familiar ta duna asistencia na diferente di e prisioneronan, y esaki ta inaceptable.

E dignatario a subraya cu controlnan severo a tuma lugar y a constata diferente iregularidad, unda materialnan prohibi a wordo capta den KIA.

E mandatario a señala cu e ta gradici cu Parlamento, cu a bin cu un mocion unda cu nan a aloca casi 4 miyon florin adelanta, pa ehecuta e plan di emergencia aki pa reinforza e infrastructura na KIA y otro medidanan di seguridad cu ta wordo tuma.

-FORMATIE PLAN:

Minister Bikker a menciona tambe cu e concepto di Landsbesluit pa e plan di formacion (formatie Plan) nobo di KIA a yega. Esaki ta un proceso cu ta andando for di prome cu 2012 y ora cu gobierno aki a tuma e mando, minister di husticia a haci un inventarizacion tocante kico ta pasando pasobra esaki tin hopi tempo sin cu a wordo ehecuta.

E dignatario a splica kico ta un “formatie plan”. Esaki ta ora un persona ta traha den un departamento y esaki ta drenta den proceso di reorganizacion pasobra tin cierto hendenan ta haciendo un tarea y na cierto momento a keda pega na un scale of ta yega un scale cu no por sigui wordo promovi pero nan ta sigui haci e peso di e magnitud di e trabao.

Esey tambe ta e caso na KIA y un analisis a wordo haci di esaki, y tin personanan cu nan “carrier line” practicamente no ta existi.

E mandatario a comenta cu el a sinta simannan largo desde cu el a drenta den gobernacion, conhuntamente cu TOPA y SEPPA, y nan a keda delibera cu DRH (Departamento Recurso Humano), y por fin siman pasa a yega na aprobacion di tur dos sindicato, pa e plan di formacion cu a wordo diseña. Nan a bay Conseho di Minister un siman y mey cu e “formatie plan aki” y el a keda aproba, cu locual e mandatario a keda hopi gradici.

Nan a traha tambe riba e concepto di Landsbesluit, cu lo wordo presenta na Gobernador, y e ta spera cu pronto e lo bira un realidad.

 

- Advertisement -

DUNA COMENTARIO

Please enter your comment!
Please enter your name here