Home Enseñanza Minister Rudy Lampe ta felicita e prome grupo di graduado di EPI...

Minister Rudy Lampe ta felicita e prome grupo di graduado di EPI y Hospital Academy

9
0
SHARE
- Advertisement -

Nan a sigui opleiding “Training on the job”

ORANJESTAD (AAN)—Minister di Enseñanza, Ciencia y Desaroyo Sostenible, señor Rudy Lampe, den conferencia di prensa Diahuebs a felicita tur e studiantenan di Enfermeria di Colegio EPI, di opleiding , cu a ricibi nan diploma di Hospital Academy di e “training on the Job” opleiding, na Hospital dr. Horacio Oduber (HOH).

Minister ta kere den e sistema aki y pesey a firma e acuerdo entre Colegio Enseñanza Profesional Intermedio (EPI) Y HOH.

El a splica cu e studiantenan aki a cuminza dos aña den Colegio EPI y despues Hospital a haci un seleccion unda for di nan di tres aña nan ta traha practicamente na Hospital, y ta haya un dia so pa siman di teoria, y e resto ta “training on the job”.

E modelo aki di practica y reflexion, cu e minister ta kere den dje (el a reitera) a duna su prome resultado y tin e graduadonan cu a ricibi nan diploma y aworaki ta completamente capacita pa traha den Hospital.

El a yama pabien na tur e studiantenan cu a participa den e opleiding “Hospital Academy” hunto cu Colegio EPI, y esaki ta mustra e futuro y den ki direccion kier bay cu beroepsopleiding.

E dignatario a expresa cu esaki ta un di e manehonan positivo di su maneho, cu e ta implementando.

- Advertisement -

DUNA COMENTARIO

Please enter your comment!
Please enter your name here