Home Gobierno Ministro Presidente Wever-Croes na fabor bon relacion cu Reino 

Ministro Presidente Wever-Croes na fabor bon relacion cu Reino 

323
0
SHARE
- Advertisement -

Situacion di crisis na Aruba ta exigi pa tene hende central

  • Gobierno lo no a ratifica cambio acuerdo cu Hulanda dor di Parlamento
  • Cambio lo ta stroba asistencia structural di Reino den tempo cortico

ORANJESTAD(AAN)– For di inicio di e siman aki, DIARIO a mustra cu e siman aki Ministro Presidente Evelyn Wever-Croes lo ta central den desaroyonan di gran impacto pa futuro di Aruba. Uno di e puntonan di mayor atencion pa DIARIO tabata e hecho cu  Ministro Presidente Wever-Croes no a anuncia ningun decision di gobierno riba medida.

A wordo spera cu e siman aki Ministro Presidente Wever-Croes lo a anuncia kico concretamente su gabinete ta bay haci pa saca Aruba for di e crisis actual. A spera cu e lo a ratifica e decision di Parlamento a base di e iniciativa di dos miembro di Parlamento di MEP, cu kier a trece cambio den e acuerdo pa supervision den Reino.

Ministro Presidente Wever-Croes no a ratifica e cambionan segun informacion y lo a informa Gobierno di Reino cu e lo continua a base di e palabracionnan cu a wordo alcansa y cu ta nifica cu Aruba ta keda bou supervision di Hulanda.

Informacionnan cu DIARIO a ricibi ta mustra cu si el a tuma e decision aki, el a actua na forma corecto.

“Durante e reunionnan cu sectornan di comunidad pa discuti e forma cu por baha gasto y crea entrada y asina atende e problemanan serio di Aruba, sigur e magnitud di e problema a bini dilanti. A keda demostra cu pa haya solucion pa e crisis mester di asistencia structural di Hulanda manera formanan pa haci e impacto di e debe nacional menos,” informantenan a bisa.

Ta wordo spera cu Aruba y Hulanda den un situacion nobo lo papia di un forma pa yega na un termino mas largo pa paga e debe nacional loke lo suavisa e impacto severo di pago. Tambe mester trata di yega na pago di menos interes.

A wordo mustra na DIARIO cu ta responsabilidad financiero sumamente grandi Gabinete Wever-Croes a hereda y cu mas tempo pasa. mas impacto e tin pa comunidad.

“Temporada di turismo ta den porta. Comercio kier contestanan pa mira kico e ta haci cu futuro. E ambiente na Aruba mester cambia y hasta mester di mas tempo pa dicidi kico ta haci exactamente. Si Hulanda por yuda cu cierto solucionnan cu lo atende cu e impacto di e debe nacional y tambe yuda den esfuerso internacional pa rebiba economia, sea cu ayudo di Europa of no, mester dicidi pa esaki,” a wordo indica na DIARIO dor di informantenan.

Awe pues e momento grandi ta yega pa Conseho di Ministro di Reino dicidi kico ta pasa. Importante ta keda e alma di constitucion cu ta e hende, e ciudadano cu hasta den e situacion serio cu Aruba ta confronta, mester ricibi por conta cu cambio positivo.

 

- Advertisement -

DUNA COMENTARIO

Please enter your comment!
Please enter your name here