Home Impuesto Na November publico por haya yudanza di DIMP pa yena formulario di...

Na November publico por haya yudanza di DIMP pa yena formulario di Belasting

23
0
SHARE
- Advertisement -

ORANJESTAD (AAN): Departamento di Impuesto ta informa cu e aña aki lo tene su campaña pa yena e formulario di declaracion di inkomstenbelasting 2018 den e ultimo dos simannan di november 2019.

Pa ley tur contribuyente di inkomstenbelasting ta haya 2 luna pa yena y entrega e formulario. Di acuerdo cu ley, e ultimo dia pa entrega esaki ta 2 di september 2019. Banda di e termino legal di 2 luna, Departamento di Impuesto ta duna 3 luna mas di tempo pa por entrega e declaracion. E fecha final pa e clientenan cu ta haci uzo di e 3 luna extra ta 2 di december 2019. No mester haci un peticion oficial pa haci uzo di e 3 luna extra di extension (“uitstel”).

Den transcurso di aña miles di persona a acudi y a keda satisfecho cu e extra servicio y campaña pa yena e declaracion di inkomstenbelasting. E aña aki lo no ta diferente. Teniendo cuenta cu varios proyecto importante den pleno ehecucion cu ta rekeri e atencion debido y esfuerso di e Departamento, a opta pa brinda e extra servicio aki den fin di november 2019 prome cu e termino di extension pasa.

Segun Meverly Romano di DIMP, normalmente ta durante luna di Augustus nan ta haci e campaña aki.  Pero pa 2019 esaki a bay diferente, pasobra aworaki nan ta man yen cu diferente proyecto cu tin prioridad, y ta enfocando riba restitucion di Belasting di 2015 y 2016 cu nan kier completa ainda pa fin di e aña aki.

Pesey DIMP a dicidi pa tene e campaña di ayudo riba e dos ultimo simannan di November.  Nan ta cla pa atende pensionadonan pa e servicio aki.  Aki algun siman nan lo anuncia e lugar y horario di e yudanza aki.

Departamento di Impuesto ta keda semper na ordo pa contesta cualkier pregunta di e contribuyentenan relaciona cu yenamento di nan declaracion di inkomstenbelasting.

Pues ainda tin speranza e aña aki di haya restitucion di 2015 y 2016.

- Advertisement -

DUNA COMENTARIO

Please enter your comment!
Please enter your name here