Home Comercio “Pa nos ta hopi cla cu e gobierno aki no tin pueblo...

“Pa nos ta hopi cla cu e gobierno aki no tin pueblo na pecho”

66
0
SHARE
- Advertisement -

Frans Ponson:

ORANJESTAD  (AAN): Durante un conferencia di prensa na Camara di Comercio relaciona cu e discusion riba si mester inclui e BBO den e prijs of no, miembro di Comerciantenan Uni Frans Ponson a bisa cu e ta lamenta sumamente di tende un minister di Finanzas bin dilanti y bisa e siman aki cu el a scucha di e gremionan.

“Mi ta reta e minister di Finanzas y sali bin dilanti pa bisa esaki”.

“Tur gremio a bay e stakeholder’s meeting, entre otro ATIA, KvK, Comerciantenan Uni, AHATA etc y ningun a pidi pa esaki”.

“Tur a pidi pa lage afo”.

“Si tin un video di e stakeholder’s meeting, ban publica esaki pa pueblo y laga nos tur wak ta ken a bisa esey”.

Esaki segun Ponson, kende a sigui bisa cu e ta sigur cu e minister no por bin cu ningun gremio banda di dje pa bisa cu nan ta bay di acuerdo cu locual el a bisa.

“No solamente ningun gremio, pero tampoco e lo haya un comerciante pa sostene den esaki”.

“Esunnan cu si a hinke aden a hinke bao di menaza di haya un multa”.

“No tin ningun comerciante cu ta bisa cu nan si kier a hacie”, segun Ponson.

“Gobierno ta na altura cu esaki ta bay trece yen problema y sigur pa esnan cu tin franchise y nan ta bay aumenta nan prijsnan”.

Esaki segun Ponson, kende a sigui bisa cu tin monton di factor cu ta pone cu pueblo ta bay sali malo den e situacion aki.

“Loke Gobierno ta haciendo awo ta loke Corsow a implementa y na Corsow awor tin mas cu 22% di desempleo, mientras cu nan a haya un KB”.

“Net esey nos ta bay copia?”.

“Pa nos ta hopi cla cu e gobierno aki no tin pueblo na pecho, pasobra ningun prijs lo a cambia den comercio si nos a djis lage afo”.

“Pero hincando e aden pa capricho di 1 of 2 hende den un Gobierno, full e pueblo aki ta bay haya un aumento di prijs den temporada di fiesta”, segun e comerciante.

- Advertisement -

DUNA COMENTARIO

Please enter your comment!
Please enter your name here