Home Beyeza Paseo Herencia a habri e luna di September cu Moda y Ambiente

Paseo Herencia a habri e luna di September cu Moda y Ambiente

91
0
SHARE
- Advertisement -

ORANJESTAD (AAN):  Cuminsando for di diahuebs dia 5 di september, Paseo Herencia a celebra e apertura di e tienda nobo “Aldo” durante e Fashion Weekend.

Awor lo por disfruta e ultimo den coleccion di tas, sapato y accesorionan atractivo. Aldo su tienda ta situa entre TGI Friday’s y Meltaway Café y lo ta habri di dialuna pa diadomingo te cu 10or di anochi.

Diabierna Paseo Herencia a continua e Fashion Weekend cu nan Fashion Show riba e Plaza Padu. Pandora a habri e show cu nan colección nobo di otoño. Aldo a continua cu nan apertura y a presenta na coleccion di Paseo Herencia y tambe a duna un sneak peak di nan liña di sapato pa mucha cu lo ta e prome den Aldo Caribbean. Carmen Steffens a luci den puro elegancia cu nan coleccion nobo inspira dor di fauna y flora cu diseñonan clasico y elegante.

Henter publico a keda encanta cu Sunset Shack su liña di bikini exclusivo di e marcanan Brazil del Mar, Palmacea y Estivo. Tambe bon conoci pa nan bril di solo di e marca Quay Australia. Sunset Shack tambe a aporta y a modela e marcanan local manera Dushi Designs y Arubiano flip flops.

Pa sera e tremendo anochi aki, Wear Your Fitness a presenta nan coleccion deportivo di Brasil Sul. Brasil Sul ta un marca bon conoci di tremendo calidad cu por wordo huza pa entrena of pa vestuario diario.

Clientenan VIP por a mira e show di pasarela di cerca den e seccion VIP den e Bulldog Café. Clientenan a disfruta di un bon anochi den bon entretenimiento na e Bulldog Café.

Pa completa e Fashion Weekend, Caribbean Cinemas VIP a presenta e famoso ‘Kinky Boots’ musical riba nan screens di Laser Technology y 7.1 Dolby Surround Sound acompaña cu dushi cuminda y bebida.  Pa esnan cu ta gusta musicals por reserva nan tickets online pa e musical ‘42nd Street’ pa dia 29 di september.

Riba Paseo Herencia su pagina di Facebook por keda informa di e siguiente evento y promocionan di e lunanan venidero.

- Advertisement -

DUNA COMENTARIO

Please enter your comment!
Please enter your name here