Home CORTE Pontilius a sugeri pa pone un otro Mediador Special pone SADA y...

Pontilius a sugeri pa pone un otro Mediador Special pone SADA y Gobierno sinta na mesa

33
0
SHARE
- Advertisement -

Den Corte

ORANJESTAD (AAN) Diaranzon atardi a tuma lugar den Corte di Husticia, e caso sumario cu Gobierno a entabla contra Sindicato SADA di Douaneronan, pa asina ordena nan bek pa trabao y stop cu e welga.

Durante e tratamento di e caso, a bin sali na cla cu ta desde 2016 caba Gobierno a bin ta trahando e deal cu Douaneronan, cu a haya mas peso huridico, ora cu na Juli 2017 a firma un convenant pa asina atende e Functiehuis y Salarishuis di e Douaneronan.

Pues desde 2017 caba e Douaneronan hunto cu nan Sindicato SADA a start cu e trayecto largo aki pa nan mehoramento salarial.  Hues mes tambe a nota cu e Convenant aki a crea cierto impresion cerca SADA y e Douaneronan.

E negociacionnan cu Gobierno a sigui den 2018, tambe den 2019.  Pero awor a bin sali na cla, cu desde December 2018 caba, Gobierno a haya ‘conseho negativo’ for di Raad van Advies riba e asunto aki.  Y a dura 9 luna prome cu Gobierno a bin bisa SADA cu nan no ta bay honra e Convenant mas.

Durante e tratamento di e caso, Hues a puntra opinion tambe di Mediador di Gobierno, Anselmo Pontilius riba e asunto aki.  Pontilius a mustra e hecho cu Gobierno a tarda mucho pa bin avisa Sindicato te awor cu no ta bay mas cu e acuerdo.  E tambe ta conseha pa ambos partido bay bek na mesa pa negocia.

Pontilius a mustra cu e ta propone pa Gobierno usa un Mediador Special pa sigui cu e reunion entre SADA y Gobierno.  Esey mirando e hecho cu ya den Corte el a duna Hues su opinion personal, y aparentemente esaki no a cay den bon tera.

Gobierno di su banda a mustra cu desde December 2018 pa awor, nan a dura 9 luna largo ta trahando riba e asunto aki, incluyendo pidiendo 4 conseho mas di tanto DRH y tambe Wetgeving.  Pero toch Pontilius a sugeri pa un otro mediador bay haci e trabao ey.

 

- Advertisement -

DUNA COMENTARIO

Please enter your comment!
Please enter your name here