Home arte y espectaculo Premio Nacional di Teatro otorga na Faritah Luidens

Premio Nacional di Teatro otorga na Faritah Luidens

35
0
SHARE
- Advertisement -

ORANJESTAD (AAN): Departamento Di Cultura Aruba (DCA) y Ministerio di Cultura Aruba, a otorga den fin di siman e Premio Nacional di Teatro 2019 y ‘Reconocemento Special di Bida Largo’ na señora Faritah Luidens.

Net riba su Celebracion di 50 aña den farandula cu su Mega produccion di e exitoso espectaculo: ‘Ken ta Basha Abou’; presenta conhuntamente cu Cas di Cultura, na unda a resalta su personahe ‘Tica Basha Abao’ cu excelentemente e ta personifica.

Tambe den e mesun rosea DCA y Ministerio di Cultura den nomber di Minister di Cultura, Xiomara Ruiz Maduro, a duna 5 Reconocemento Special na e 5 grandinan veterano di teatro cu a traha directamente cu Faritah Luidens den su produccion ‘Ken ta Basha Abou’ manera ta: señora Luty Martinez, señora Yvonne Spellen, señora Nicolaas Magda, sr. Harold J. G. Pereira y señora Elsa Krosendijk.

Departamento di Cultura Aruba y Ministerio di Cultura ta felicita Señora Faritah Luidens cu e Premio Nacional di Teatro, su Reconocemento Special di Bida Largo, pa su 50 aña den Farandula, na dje y su elenco pa su tremendo presentacion di ‘Ken ta Basha Abou’. Pabien tambe na e 5 personanan pa nan reconocemento special.
Biba nos cultura, biba arte, biba teatro y ta invita e pueblo di Aruba pa no perde e siguiente funcionnan di ‘Ken ta Basha Bou’ den luna venidero riba dia 3, 4 y 5 di October 2019.
E premio a ser traha pa nos gran artista Frank Croes y a ser entrega pa Sr Siegfried Dumfries, Director di Departamento di Cultura Aruba y Sra Ruby Eckmeyer representante di Minister di Cultura Aruba y acompaña pa Directora di Cas di Cultura Aruba, Vicky Arens-Tjon A Tjoe.
Masha danki di curason pa boso tremendo sosten di semper.

 

- Advertisement -

DUNA COMENTARIO

Please enter your comment!
Please enter your name here