Home Impuesto Proceso di digitalizacion di DIMP lo inicia na December

Proceso di digitalizacion di DIMP lo inicia na December

19
0
SHARE
- Advertisement -

Esnan prome beneficia lo ta e grupo di comerciantenan

ORANJESTAD (AAN):  Departamento di Impuesto ta trahando ariba un proyecto y pa cu esaki tin basta hende trahando pa asina por keda cla y prepara pa wordo ehecut’e.

Meverly Romano, Vocero di DIMP a duna di conoce cu esaki ta e proceso di digitaliza nan servicionan di declaracion. Esaki ta andando cu un ‘speed’ hopi grandi y si tur cos cana bon na December di e aña aki ta bay lanz’e.

Segun Romano, ta bay ta un experiencia unico pa clientenan y ta bay inicia esaki prome cu e grupo di comerciantenan. Manera ta conoci, tur luna dia 15 e comerciantenan tin acudi na DIMP pa haci nan declaracion of pago di BBO, haya un stempel, etc.

Aworaki esaki ta un molester pa tur comerciante pa acudi DIMP tur luna. E ta bira druk y e tempo di spera ta bira largo, a indica.

Esaki pronto lo pasa pa pasado ora cu DIMP bay online cu nan sistema di declaracion pa loke ta trata loonbelasting, BBO, BAVP, BAZV, Speelvergunningsrecht, BBV, BBVA, etc.

Romano a laga sa cu ta un proceso cu no ta bay ta den un luna so pero ta bay dura mas largo. Pesey den e lunanan cu ta bay sigui, DIMP ta bay cuminza saca mas informacion al respecto.

E trabao ta bay ta hopi intensivo, pero dentro di poco lo inicia cu e proceso di duna informacion relaciona cu ‘Bo Impuesto’ online, cual ta e portal digital caminda e comerciantenan lo bay haya alivio cu nan ta haci e declaracion y pago completamente online. Esey lo nifica cu e presencia na DIMP tur luna pa dia 15 no lo ta necesario mas, Meverly Romano a duna di conoce.

E comerciantenan lo mester bay registra den e portal online. Esaki ta un proceso cu mester sosode pa asina ey tur luna e comerciante por ta trankil cu e por haci su aangifte den e comodidad di su cas, oficina of na beach, Romano a finaliza bisando.

 

- Advertisement -

DUNA COMENTARIO

Please enter your comment!
Please enter your name here