Home Policial Pronto e rotondenan grandi lo habri y lo conecta cu otro

Pronto e rotondenan grandi lo habri y lo conecta cu otro

981
0
SHARE
- Advertisement -

Vocero di Polis, Lilliana Rasmijn

ORANJESTAD   (AAN):  Por a ripara cu poco poco e rotondenan ta kedando cla y yegando nan fase final di construccion. Relaciona cu esaki, Vocero di Polis, Lilliana Rasmijn a indica cu pronto e rotondenan grandi lo habri y lo conecta cu otro.

Pesey e ta haya esaki hopi importante y Cuerpo Policial kier enfatiza pa e automobilistanan tene na cuenta e cambionan.

Pa basta tempo e camindanan a cera y hopi hende a custumbra cu cierto maneranan pa core ariba caminda. Awor cu e rotondenan ta bay habri mester ta mas trankil, mas cordial, respeta e reglanan di trafico y duna otro oportunidad pa custumbra cu tur e rotondenan cu ta biniendo, Rasmijn a remarca.

Seguridad ta hopi importante. Pone celular un banda ya cu esey hopi biaha ta kita e atencion ariba caminda.

E rotondenan nobo cada un tin diferente structura y den futuro sigur KPA lo amplia mas pa cada un di nan cu habri pa asina comunidad ta mas informa.

Lilliana Rasmijn a enfatiza cu mester core trankil y corda cu tin chofernan cu lo mester custumbra cu e coremento ariba rotonde.

El a laga sa cu tur dia tin control di trafico un caminda na Aruba. Esaki ta pa e seguridad di trafico.

Tur chofer mester tin un rijbewijs valido, papelnan mester ta na ordo. Asina cu bo wordo para ta tiki un par di minuut so pa controla y si tur cos ta ok bo ta sigui bay.

El a agrega cu temporada di fin di aña ta acercando.  Cuerpo di Polis ta cla pa esey. Awor cu e rotondenan ta bay habri ta spera cu trafico ta bay stagna un tiki menos. Pero mirando e temporada cu ta bin, hopi hende ta bay core pura. Djis corda baha e velocidad un poco y evita accidentenan.

Cada rotonde a haya of ta hayando nan borchinan. Pesey ta importante pa ora yega un rotonde baha e velocidad. “Si bo sigui e reglanan manera cu e mester ta, bo ta bay bon na e rotonde, pero baha e velocidad, sea un tiki mas cordial y pasenshi cu e otro automobilistanan tambe”, vocero di Polis a indica.

- Advertisement -

DUNA COMENTARIO

Please enter your comment!
Please enter your name here