Home Religion y Espiritualidad Siman grandi pa nos patrona stima, Mama Maria di Alto Vista, su...

Siman grandi pa nos patrona stima, Mama Maria di Alto Vista, su nobena nacional ta cuminsa

21
0
SHARE
- Advertisement -

ORANJESTAD (AAN): A drenta un siman crucial na unda nos lo bay tin e Nobena Nacional, e fiesta Catolico di mas grandi di nos pais. Esaki na honor di nos Patrona stima pa henter nos pais, Santisima Virgen Mama Maria di Alto Vista.

Nobena Nacional cu lo cuminsa diasabra awor 28 di september pa 5:30’or di atardi na Kapel di Alto Vista mes y e Parokia di Noord ta na turno.

Dia 29 september Savaneta, dia 30 di september Paradera, dia 1 di october Tanki Leendert, dia 2 di october Dakota, dia 3 di october Brazil, dia 4 di october San Nicolas, dia 5 di october Oranjestad, dia 6 di october Santa Cruz. Tur dia despues di e Nobena, tin Santo Sacrificio di misa canta.

Dia 7 di october ta e fiesta grandi cu participacion di tur parokianan di nos pais, bow direcion di Monseigneur Obispo Luis Antonio Secco. E misa solem canta ta cuminsa pa 6’or di atardi. E coro ta bow direcion di señor Mirto Tromp, parti musical e gran musico Robert Jeandor y señor Igmar Maduro. E misa lo ser transmiti door di Telearuba, danki na cooperacion di Ministro Chris Romero.

Ta bon pa recorda tur fielnan, gruponan di oracion cu dia 6 di october lo bay tin vigilia cu presencia henter anochi di Santisimo ariba altar. Di 7:30’or te 8:30’or Santa Cruz-San Nicolas-Brazil, 8:30’or-9:30’or Savaneta-Paradera, 9:30’or-10:30’or Tanki Leendert-Oranjestad, 10:30’or-11:30’or, Dakota-Noord.

Despues di misa dia 28 di september Pastoor Santiago di Noord lo bendiciona e porta di Kapel y declara cu esaki lo keda habri 24 ora, esta esnan cu ta desea di bin reza na momento cu nan ta desea cu Kapel ta habri durante tur e dianan di e celebracion. Mester duna danki na Ministro mr. Andin Bikker, kende a coopera cu guardianan di seguridad di CEA lo ta presente 24 ora y tambe CERD n.v. lo percura pa iluminacion.

Apesar cu e situacion di nos pais no ta di e bon ey, nan ta contento cu varios comerciante a duna un man pa contribui y asina e celebracion por tuma lugar, Mama Maria di Alto Vista lo bendiciona boso.

Aruba henter, fielnan di Mama Maria ta ser invita pa haci e celebracion na honor di nos Patrona stima, algo grandi.

Aruba, mundo mester di oracion, ta pesey fielnan, famianan, gruponan di oracion, politiconan, deportistanan, hobennan, specialmente den examen, henter Aruba ban duna nos Mama stima un bunita homenahe.

 

- Advertisement -

DUNA COMENTARIO

Please enter your comment!
Please enter your name here