Home General SOGA a opta e ultimo añanan pa no bin dilanti pero pa...

SOGA a opta e ultimo añanan pa no bin dilanti pero pa soluciona problemanan na mesa cu e stakeholdernan 

39
0
SHARE
- Advertisement -

Frendsel Giel di AIB Bank

ORANJESTAD (AAN):  Director di AIB Bank, Frendsel Giel a indica cu nan tarea ta administra diariamente SOGA (Stichting Onroerend Goed Aruba) y banda di esey SOGA tin un directiva representa pa John Hodgson.

E directiva a pidi AIB pa contrata un tecnico cu ta constantemente  ‘on site’ cu ta Michael Habibe. AIB ta administra SOGA den e sentido di colecta premienan, huur, colecta na banconan y haci nan tarea administrativo.

Segun Giel, SOGA a opta e ultimo añanan pa no bin dilanti pero pa soluciona problemanan na mesa cu e stakeholdernan. Ora cu ta bin dilanti por tin problemanan di comunicacion. Pesey a prefera pa papia na mesa pero loke a pasa na hospital recien nan kier a clarifica y na mesun momento lamenta e sucedido.

A agrega cu a tuma accion inmediatamente pa soluciona e problema. Hunto cu esey e laga traha dos raport interino pa duna nan e indole di e problema. Awa no a yobe desde cu e edificio a wordo entrega dos aña pasa. Diabierna awa a yobe, pero mata a crece den e canalnan y den e tuberianan y esaki ta haci cu e awa ta keda pega birando pisa.

Frendsel Giel a enfatiza cu mantencion ta importante. A pone den un protocol con e mantencion mester tuma lugar. E protocol ey ta vigente y tin un compania cu a contrata y cu mester ta on call 24/7 y Hospital a pidi pa nan ta e ‘first responder’.

A subraya cu nan ta trahando pa e solucion y nan kier traha den e ‘teamverband’. Tin comunicacion cu gobierno, cu hospital, cu e contratista y nan ta skirbi carta pa tene tur hende na altura di nan responsabilidad, incluyendo SOGA mes, a splica.

E representante di AIB Bank a laga sa cu na e momento aki Arellano mester cumpli cu su parti pa zorg pa tin un hospital termina totalmente den e 3de kwartaal 2020. A agrega cu a bin algun trabaonan acerca manera un OK nobo. A agrega tambe Landslaboratorium den e proyecto y esey ta nifica cu mester a extende e proyecto mas ainda.

Finalmente a scoge pa traha un ICU nobo. E ora ey mester a stop e construccion den e di 5 piso di e edificio nobo pa por acomoda ICU y e unit di dialisis.

Segun Giel, aworaki cu tur e cosnan aki acerca, nan ta na mesa cu tur partido.

E sucedido di diabierna no tin ningun costo adicional pa ni gobierno, ni pa Hospital ni pa pueblo. AIB ta tene e lineanan di accountability responsabel y seguro mester ta cubri den e parti akinan.

E otro parti ta cu mester sigui cu e construccion pa termina cu e proyecto. Cada siman cu e construccion no sigui, tin un dwangsom di e contratista y esey si lo wordo pasa pa comunidad, a remarca.

 

- Advertisement -

DUNA COMENTARIO

Please enter your comment!
Please enter your name here