Home Bites Stellaris Casino un biaha mas tabata anfitrion di e di 9 evento...

Stellaris Casino un biaha mas tabata anfitrion di e di 9 evento MiniBar

17
0
SHARE
- Advertisement -

ORANJESTAD (AAN): Esaki ta di 9 biaha cu ta organisa e evento di MiniBar y un biaha mas a scoge pa tene den Stellaris Casino. E evento ta bon bishita, hopi exitoso y un biaha mas a ricibi bon feedback di entrepreneurs, doño di trabou, profesional, managers, innovadonan y departamentonan di gobierno. Invitadonan ta mingle y stimula networking. Despues di cada evento ta tene un encuesta riba con exitoso e tabata.

Kawish Missier, fundado di MiniBar, a sigura cu participantenan a indica cu a bende negoshi, a bende tereno, a haya mas cliente, logra mas mercadeo y a traha website durante e evento MiniBar. Despues di e eventonan a logra genera miyones na actividad economico pa Aruba y esey ta beneficia tur hende. Consumido, comerciante y tambe Gobierno, tur ta beneficia cu MiniBar, stimulando economia di nos pais.

Awendia ta haci negoshi cu hendenan cu bo ta confia. Den un evento asina, segun Kawish Missier, Bo ta cera conoci cu oro den un forma mas informal. MiniBar ta conta cu 7 boluntario encarga cu organisacion y registracion. Stellaris Casino a patrocina e evento completo, pero Camara di Comercio a endorse e evento.

Tambe tabatin diferente icebreakers cu a yuda netwerk pa asina cera conoci cu hendenan nobo. Esaki ta algo cu e participantenan gusta, pasobra e invitadonan tin credibilidad, ta doño di trabou, pues ta ehecutivonan cu por tuma decision. Na e evento aki ta topa bon hende cu por confia pa haci negoshi cu nan.

E evento di MiniBar na Stellaris casino a conta tambe cu patrocinio di un photoshoot profesional di Global Media. Mini Bar a conta cu un Mojito Bar, un premium open bar, bon snacks, entretenimento di DJ y hopi bon servicio. Un agradecimento na Bacardi y Tropical Bottling Company p’e Mojito Bar.

- Advertisement -

DUNA COMENTARIO

Please enter your comment!
Please enter your name here