ORANJESTAD (AAN): Pa algun tempo caba tin un buskeda andando pa un homber Surinameño cu nacionalidad Hulandes. Ta trata di e homber Roy Hari di 58 aña di edad.
Segun relato di un miembro di famia recien na prensa Surinameño ‘Waterkant’, hecho ta cu Roy a haci contacto dia 17 September 2019 cu famia. Sinembargo desde e dia ey no a tenda ni scucha nada mas di Roy.
Si ta asina cu e vehiculo cu el a usa ultimo a worde haya siman pasa completamente kima. E descubrimento a wordo haci door di polisnan di Jarcaba, den un hanchi di Wayamboweg den distrito Saramacca.
Un siman prome cu el a perde, Roy tabata na Hulanda. Na final di siman el a viaha di Hulanda cu un persona pa Suriname. Desde Diamars e siman prome siman, despues e ta perdi.
Parce cu e no ta conoci si tin informe di e persona cual a viaha hunto cune. Mientras tanto polis a confirma na e medio De Ware Tijd, cu famia a entrega denuncia relaciona cu Roy Hari ta perdi (spoorloos).
E investigacion ta andando y te cu ayera no tabatin informacion si acaso a localiza Roy Hari sino e ta perdi ainda. E caso tin pleno atencion di polis.
