Home General Un total di 19 cursista a obtene e certificado di curso “Empresario...

Un total di 19 cursista a obtene e certificado di curso “Empresario Prepara II”

20
0
SHARE
- Advertisement -

ORANJESTAD (AAN):  Iniciativa pa Desaroyo di Empresa Arubano (IDEA), conhuntamente cu minister di Finanzas, Asuntonan Economico y Cultura Sra. Xiomara Ruiz-Maduro a haci entrega di diploma di curso “Empresario Prepara II” na tur cursista cu a pasa examen cu exito.

Curso “Empresario Prepara II” ta un curso pa yuda fortifica conocemento basico pa maneha un negoshi.  Despues di hopi interes di parti di e cursistanan cu a participa na curso “Empresario Prepara I” den pasado, IDEA a dicidi di amplia su curriculum di educacion cu e curso “Empresario Prepara II”.

E meta di e cursonan aki ta netamente parti di e vision di e Gobierno di Aruba pa engradece economia di Aruba a base di desaroyo di negoshinan micro, chikito y mediano. E negoshinan aki por tin e capacidad pa trece actividadnan comercial nobo y innovativo pa asina yuda realisa e diversificacion di e economia di Aruba.

Un total di 19 cursista a logra obtene e certificado di curso “Empresario Prepara II”. Pa logra e certificado di cursonan EP II, cursistanan mester a traha examen di cada teoria di e modulo nan obteni den e pakete di e curso. Di e cantidad di 19 cursista, un cantidad di 8 ta masculino y un cantidad di 13 ta femenino. E cursista mas jong tin 26 aña.

Cursistanan cu a finalisa curso EP II cu exito ta entre otro: Sr. Antonio Barreto Ochoa, Sr. Yeiro Jose Castro Salazar, Sr. Luis A. Castro Samper, Sr. Angelo C. Curlingford, Sra. Gladys de Kort, Srta. Ebenezer M. Geerman, Sr. Hubert Gibbs, Sra. Emeli Janga, Sr. Frank Kelly, Sra. Wendeline Lacle, Sra. Zuleyka Lake-Winklaar, Sra. Sharona Lee-Schoop, Sra. Kaylene Makaai, Sr. Jorge A. Niebles Diaz, Sra. Paola Odor, Sra. Monica E. Oduber, Sra. Rosita M. Toppenberg-Huntington, Sra. Maria Elena Valecillos Jimenez y Sra. Sheila Werleman.

E 3 mihor graduadonan ta: Sra. Sharona Lee-Schoop, Srta. Ebenezer M. Geerman y Sra. Monica E. Oduber.

IDEA ta felicita tur esnan cu a completa e cursonan “Empresario Prepara II” cu exito y IDEA ta desea bosonan hopi exito den futuro cu boso negoshi. Tambe IDEA ta gradici tur e docentenan pa nan esfuerzo den e cursonan aki kendenan ta: Sr. Edward Erasmus, Sra. Cindy Hassell-Clark, Sr. Neville Thodé y Sr. Dave Martinus. Nos ta gradici e team di IDEA y di DEZHI pa a yuda den e preparacion di e entregamento di diploma.

Un total di 89 persona ta den posesion di e certificado di curso “Empresario Prepara I”. Den aña 2012, un total di 13 persona a logra e certificado aki, den aña 2013 un total di 16, den aña 2014 un total di 9, den aña 2015 un total di 16, den aña 2016 un total di 21 persona y den aña 2017 un total di 14 persona.

Na September 2017, IDEA a organisa pa prome biaha e curso “Empresario Prepara II”. Un total di 14 persona a gradua pa e curso aki. Awor un total di 33 persona ta den posesion di e certificado di curso “Empresario Prepara II”.

IDEA lo sigui duna su servicionan na clientenan cu kier cuminsa cu un negoshi of expande nan negoshi door di duna nan tur informacion necesario pa nan start nan propio negoshi.

Idea lo sigui ofrece training y workshops y lo continua cu publicacion di tur esakinan via prensa y e facebook page di IDEA (@Idea-Aruba) pa invita entrepreneurs pa participa na e eventonan aki. Tambe IDEA lo continua cu su curso “Empresario prepara I” na april 2020.

 

- Advertisement -

DUNA COMENTARIO

Please enter your comment!
Please enter your name here