ORANJESTAD (AAN): Un reaccion ricibi den fin di siman, ta mustra cu algo cu a sali publica riba internet na Aruba, nota full berdad.
E reaccion ta mustra cu e “practica di skirbi articulonan pa daña nomber di hende na Aruba pa un media local, no ta nada straño mas.”
A bolbe mira esaki cu e recien publicacion di un website local di noticia unda ta pone un articulo contra sr. Alwyn Lin, tildando su persona di ta un sospechoso den caso di Ministerio Publico yama Avestruz.
Sr. Alwyn Lin a tene un combersacion cu LandsRecherche, kendenan a confirma na sr. Lin cu e ta un testigo den e caso aki y nada otro.
Sr. Lin ta cooperando cu autoridad, manera cualkier otro ciudadano lo haci, si nan keda yama pa haci tal.
E articulo publica pa e website local ademas ta usa nomber di companianan y institucionnan financiero cu e fin pa descredita su persona, locual ta ilustra sea un motibo personal of aheno pa medio di e media aki.
Ta lamenta tipo di practica asina, cual parse di a bira un costumber pa e mesun media aki pa hopi tempo caba, contra hopi otro personanan den nos comunidad.
