Home Religion y Espiritualidad Coro Santa Anna cu un anochi di gradicimento pa tur cu a...

Coro Santa Anna cu un anochi di gradicimento pa tur cu a canta den Coro Nacional

4
0
SHARE
- Advertisement -

ORANJESTAD (AAN): Coro Santa Anna a organiza un anochi di gradicimento na tur esnan cu a canta den e Coro Nacional pa celebra e fiesta na honor di nos Patrona stima, Santisima Virgen Mama Maria di Alto Vista.

Apesar cu e aña aki e interes di e coronan pa tuma parti den e coro Nacional na honor di nos Patrona Mama Maria di Alto Vista, no tabata grandi, manera cu ta custumber, tog a logra forma un Coro Nacional cu tabata sa di duna nos Mama stima un bunita serenata.

Tabata na turno pa e Parokia di Noord organiza e celebracion grandi e aña aki y Coro Santa Anna a tuma na su encargo pa forma e coro Nacional, bow direccion di Mirto Tromp y Igmar Maduro.

No tabata facil, pero tog a yega na un cantidad cu un calidad hopi halto y enberdad e Coro Nacional a ricibi masha bon comentario di nan presentacion.

Durante tur e trainingnan Coro Santa Anna tabata duna nan huespednan un tremendo trato y ayera como agradecimento nan a organiza un cena di gradicimento pa tur kendenan a participa den e coro Nacional.

Tur participante a sinti hopi contento pa e bunita gesto aki. Esaki a haci tambe cu e participantenan, kendenan a bira manera ruman di otro a dicidi cu nan ta dispuesto pa sigui como coro Nacional, si acaso e parokia cu ta na turno pa organiza e celebracion otro aña, ta desea esaki.

Tabata un anochi di celebracion, debi na e gran exito cu e Coro Nacional, apesar chikito, a sabi di haci un tremendo presentacion na honor di nos Patrona stima. E lema di nan tabata, no ta e cantidad ta conta, pero e calidad.

 

- Advertisement -

DUNA COMENTARIO

Please enter your comment!
Please enter your name here