Home General Cu of sin aanwijzing, comunidad mester tin placa pa paga medida

Cu of sin aanwijzing, comunidad mester tin placa pa paga medida

408
0
SHARE
- Advertisement -

Analisis 

Pa ciudadanonan lomba contra muraya no tin piñata di 1.6 Biyon 

E siman aki Aruba mester pone punto final tras di e mundo di fantasia cu a wordo crea pa pueblo durante un gobernacion cu for di 2009 a dicidi di gasta pa loco y pa awe y durante basta aña mas, pueblo paga.

“Nos a crea e debe y orguyosamente nos ta paga e debe,” e mente creativo tras di gobierno anterior a splica pueblo. El a keda leu for di Parlamento cu proximamente orguyosamente mester bay di acuerdo cu e forma cu orguyosamente pueblo lo paga e debe, mientras e pregunta mas grandi ta keda colga.

E berdad actual di comunidad di Aruba ta, cu miembronan di comunidad mester pone placa riba mesa. Ciudadanonan no ta politico cu por bay haci prestamo riba custia di e pais na nomber di pueblo.

Democracia a ta bati bankroet, pasobra ta exigi pueblo hala faha mara pasobra abuso a wordo haci di fondonan ora a tolondra pueblo cu promesanan di campaña na 2009.

Awe ta tende pa pueblo un cos ta importante. cu of sin aanwijzing, orguyosamente pueblo mester bay paga e debe. Awor con comunidad ta paga medidanan, si pueblo no sa di unda saca placa? Pa pueblo loke ta conta ta, cu sea cu tin aanwijzing of no, mester mishi den cartera di comunidad.

Kico esaki ta nifica pa e pais? Cuanto ciudadano, negoshi y instancia por saca mas placa cu nan ta saca actualmente?

Si awe cartera di comunidad mester bolbe produci placa, ta pa e motibo cu tabata tin un gobierno Mike Eman, cu manera e mes a admiti, a traha a base di e pensamento cu ta crea un debe pa despues paga debe y interes. El a logra gana bon placa como Ministro Presidente durante dos periodo di gobernacion den cual el a desvia e problema y a bay bebe ensure den toren ora Hulanda a menasa.

Ya cu gobierno ta di pueblo, pueblo mester paga pero ningun ley ni medida ta stipula con pueblo ta haci paga saco bashi.

Siman pasa e proyecto di gobierno Eman, Citgo, cu mester a produci un crecemento economico di 15 porciento, oficialmente a stop di existi aunke nunca el a existi pa saca Aruba for di e desastre financiero cu gobierno Eman a laga atras.

Awor pueblo mester mira con ta bay haci. Pero mientrastanto pueblo mester paga.

E pregunta logico ta, kico pueblo mester haci si e no tin placa pa paga medida? Unda e ta haya prestamo pa asina haya placa pa paga despues mescos cu gobierno anterior a haci? Unda pueblo ta haya 1.6 Biyon como prestamo pa mescos cu politiconan e paga un debe cu e no tin placa pa paga?

Esaki ta e pregunta cu mester haya contesta. Pasobra cu of sin aanwijzing, pa pueblo ta keda e realidad di paga debe hasta si saco di pueblo a keda bashi.

Pero pueblo no tin fondo di 1,6 Biyon Florin manera gobierno anterior tabata tin pa haci wega.

Aruba ta lomba contra muraya. Pasobra cu of sin placa den cartera, e ciudadano orguyosamente mester paga pa medidanan na final di un fiesta di mascarada politico cu a cuminsa na 2009.

 

- Advertisement -

DUNA COMENTARIO

Please enter your comment!
Please enter your name here