- Advertisement -
ORANJESTAD (AAN): Diasabra a tuma lugar entiero di Bush Geerman, kende a perde su bida den un accidente di trafico na entrada di Colony.
Diasabra, famia, amigo y conocirnan a bay rindi respet na e defunto cu a pasa diferente caminda prome cu el a wordo hiba funeraria The Olive Tree. Di akinan el a sali escolta pa su famia y amigonan cu gran parti a bin ariba motorcycle.
Aunke e famia a pidi pa no bay haci desorden, tog tabata tin algun cu no por a contene nan dolor of sufrimento cu perdida di e amigo aki y a burnout poco tire como un tradicion ora cu ta trata di un persona ayega na e mundo di motorsport.
DIARIO ta manda palabra di forsa na e famia y amigonan cu ta bay sinti falta di e persona aki cu a bay na un edad basta jong.
- Advertisement -
