Home Economia Indice di “Cuminda pafo di cas” no a cambia na Augustus 2019...

Indice di “Cuminda pafo di cas” no a cambia na Augustus 2019 y a registra un subida di 3.1% den e ultimo 12 lunanan

20
0
SHARE
- Advertisement -

ORANJESTAD (AAN):  Oficina di Estadistica a duna di conoce cu e indice di “Cuminda & servicio di catering” a registra un caida di 0.4% na Augustus 2019, despues di un caida di 0.4% tambe na Juli 2019. E indice di “Cuminda na cas” (-0.6%) a registra un caida, unda cinco (5) di e diesun (11) indicenan di e gruponan di cuminda na cas a baha na Augustus 2019.

E indice di “Fruta” a conoce e caida di mas grandi (-3.0%) na Augustus 2019. E indicenan di “Pan y otro productonan di grano” (-1.2%) y “Sucu, jam y otro tipo di cos dushi” (-0.3%) tambe a registra caida.

E indice di “Batata, yuca y batata dushi” a conoce e subida di mas grandi (7.1%) na Augustus 2019.

Den e ultimo diesdos (12) lunanan e indice di “Cuminda & servicio di catering” a subi cu 12.5%. E indice di “Cuminda na cas” a conoce un subida di 15.6%. E indice di “Fruta” a subi cu 41.9%, e subida di mas grandi entre e gruponan di cuminda na cas.

E indice di “Cuminda pafo di cas” no a cambia na Augustus 2019 y a registra un subida di 3.1% den e ultimo diesdos (12) lunanan.

Na Augustus 2019, “Cuminda na cas” y “Cuminda pafo di cas” como grupo, tabata tin un caida di prijs di 0.4% compara cu Juli 2019 y hunto tabata tin un influencia di -0.10 ppt riba e CPI, mientras cu e restante bienes y servicio hunto a experencia un caida di prijs di 0.2% y tabata tin un efecto di -0.15 ppt riba e CPI.

- Advertisement -

DUNA COMENTARIO

Please enter your comment!
Please enter your name here