Minister Lampe satisfecho:
ORANJESTAD (AAN) — Den conferencia di prensa, di Dialuna 14 di October, Minister di Enseñanza Rudy Lampe, a referi tambe na e dia di estudio cu a tuma lugar dialuna mes, tocante e proyecto SAM (Scol Arubano Multilingual).
Esaki ta otro proyecto innovativo cu Gobierno a introduci, y cu pa añanan largo maestronan a pidi, pa duna un mihor na Papiamento cu ta nos Idioma Nacional den nos sistema di enseñanza.
E mandatario a splica cu gobierno a scoge pa e modelo multilingual pa dos motibo: di un banda pa cumpli cu e exigencia di UNESCO, pa eherce un sistema di enseñanza basa riba e Idioma materno, incluso tur experto ta coincidi cu e mucha tin cu siña skirbi y lesa den su idioma materno y, di otro banda, pasobra tur estudio ta mustra cu mas idioma un mucha chikito drenta den contacto cune, miho e ta stimula su desaroyo cognitive.
“Awe nos maestronan di scol preparatorio ta hunto pa un dia di reflexion, despues cu na Augustus SAM, Scol Arubano Multilingual, a keda introduci den tur scol”, e mandatario a señala.
