Proyecto innovativo na scolnan
ORANJESTAD (AAN) – Minister di Enseñanza, Ciencia y Desaroyo Sostenible, dhr. Rudy Lampe, a participa den e conferencia di prensa di gobierno, Dialuna 14 di October awo.
E prome tema cu e mandatario a aborda ta cu den colaboracion cu Minister di Husticia mr. Andin Bikker, a caba di funda e Stichting Leer Orkest Aruba.
E mandatario a señala cu parti di e apoyo ta bay bin for di Ministerio di Husticia di Hulanda, pa loke ta introduccion di les di musica como actividad extracurricular na scolnan, y tin hopi entusiasmo pa esaki.
Siman pasa na Notaries Kantor Tromp a keda finaliza e oprichting (creacion) y e prome directiva fundador di e Stichting aki, den cual tin hopi spectativa den veld riba e proyecto innovativo aki, di introduci les di musica na scolnan na un forma mas regular.
