Home Parlamento Mocion di Sr. van Dam no lo forma parti di agenda durante...

Mocion di Sr. van Dam no lo forma parti di agenda durante IPKO

178
0
SHARE
- Advertisement -

Parlamentario Rocco Tjon:

ORANJESTAD (AAN): Parlamentario di MEP, Rocco Tjon a indica cu nan a tuma nota di e mocion di sr. van Dam den cual e ta urgi Gobierno Hulandes pa haci Husticia un asunto di Reino.

El a enfatiza cu fraccion di MEP no ta comparti e opinion aki y na mes momento no lo no bay di acuerdo pa e topico aki bira uno riba agenda di reunionnan interparlamentario.

MOTIBONAN MOCION HULANDES (CDA)

Sr. Van Dam ta splica cu mirando e grandura di e islanan, comunidadnan chikito, y e diferente casonan di corupcion, e ta di opinion cu Husticia no por funciona bon. P’esey e ta boga pa Husticia bira un tarea di Reino.

POSICION DI FRACCION MEP

Statuut ta papia bon cla kico ta tarea di Reino. Pais Aruba ta un pais autonomo y Husticia ta un tarea di pais Aruba.

MEP no ta comparti e pensamento di CDA y ta haya nan argumentonan infunda. Na mes momento nos ta hay’e remarcabel cu na diferente ocacion ora a solicita asistencia na Hulanda pa yuda e cadena Hudicial cu cierto tareanan esaki a wordo nenga. Pero awor di otro banda kier haci Husticia un tarea di Reino si.

PA CONCLUI

E parlamentario a bisa cu nan lo reuni riba e punto aki den comision fiho di Husticia y asuntonan di Reino. Nan ta spera cu Parlamento unanimamente por comparti e posicion aki, caminda Aruba no lo ni bay di acuerdo pa e bira un punto di agenda.

- Advertisement -

DUNA COMENTARIO

Please enter your comment!
Please enter your name here