Home Impuesto Online Portal di Departamento di Impuesto ta bay caba cu rijnan largo...

Online Portal di Departamento di Impuesto ta bay caba cu rijnan largo pa entrega di formulario

309
1
SHARE
- Advertisement -

ORANJESTAD   (AAN): Diamars Departamento di Impuesto a lanza su Online portal Portal Bo Impuesto.

Durante un conferencia di prensa extraordinario, Luenne Gomez Pieters a splica cu semper Departamento ta informa nan contribuyentenan ora ta trata por ehempel cambionan di ley, cambionan di operacion etc.

“Nos tin un trayectoria basta intensivo tras di lomba, caminda cu nos a traha hopi duro riba e di dos tanda di nos digitalizacion y automatizacion di procesonan di impuesto”.

“E prome tanda a cubri e parti di e proceso caminda nos lo registra un contribuyente, te caminda cu e mesun contribuyente lo por entrega un carta di obhecion contra su cobranza di impuesto”.

Esaki segun Gomez-Pieters, kende a sigui bisa cu desde Maart 2019 ta trahando riba e di dos tanda, unda cu lo bin cierto cambio den otorgamento y entregamento di e formularionan di impuesto.

“Nos tur sa di e criticanan di para den rij y nos ta di acuerdo cu otro cu paramento den rij pa entrega un formulario y ricibi un comprobante cu e formulario a wordo entrega no ta di e tempo aki mas”.

“Cu esaki den mente nos a traha cu un team di 59 trahador di  Departamento di Impuesto y awe cu un sentimento di satisfaccion grandi nos por anuncia cu nos ta bay cuminza cu e preregistracion pa cu nos portal online cu yama Bo Impuesto”.

Esaki segun Pieters, kende a sigui bisa cu esaki ta un stap hopi grandi den historia di e departamento.

No solamente pa kita efectonan negativo ora ta trata otorgamento y entregamento di formularionan di impuesto, sino tambe asina ta spaar gastonan.

Mirando e cantidad di formulario cu ta wordo entrega semper, e ta tuma hopi tempo pa e 12 empleadonan hinca esakinan den e sistema digital.

Den esaki por tin fout tambe y e paramento den rij ta algo hopi fastioso.

Pesey Departamento di Impuesto a traha riba un portal cu por yuda den esaki.

“Efectonan positivo pa e cliente ta cu e lo wordo facilita pa cumpli cu su debernan fiscal, e tin un balor agrega pa e contribuyente y tambe naturalmente e ta drecha nos ‘compliance’, unda cu e contribuyente lo por cumpli mas facil cu su debernan fiscal”.

“Esaki lo tin tambe un efecto posiblemente grandi y positivo riba caha di Gobierno”.

Esaki segun Pieters, kende a sigui bisa cu finalmente por ofrece un servicio eleva na e clientenan.

- Advertisement -

1 COMMENT

DUNA COMENTARIO

Please enter your comment!
Please enter your name here