Home Parlamento Presion di Hulanda ariba contratacion di personal ta keda un preocupacion

Presion di Hulanda ariba contratacion di personal ta keda un preocupacion

99
0
SHARE
- Advertisement -

Rocco Tjon:

ORANJESTAD (AAN):   Parlamentario Rocco a reacciona ariba loke e Colegio di Supervision Financiero Temporal (Caft), kier a bin cune unda nan ta indica cu nan kier bin cu norma di personal. Esaki fraccion di MEP ta hay’e preocupante pasobra e ta perhudica estado di derecho.

Hulanda no kier pa na Aruba emplea mas personal pa por ehempel, Raad van Advies of Algemene Rekenkamer y den e caso aki tambe pa Ministerio Publico.

Tjon ta kere cu ta hopi importante pa ora di hiba e debate politico pa casonan di personal mester wak ki tipo di personal ta papiando di dje. “Ora bo haya e criticanan cu gastonan di personal a subi, bo mester wak unda precis nan a subi”.

E no ta imagina un hende contra pa Ministerio Publico por emplea mas fiscal of juridische medewerkers, por ehempel, of un sociale zaken cu mester di beleidsmedewerkers of un Voogdijraad cu mester di Raadsonderzoekers, psicologonan, etc.

E critica semper tabata pa loke ta gastonan di personal ta na e bureau di e ministerionan. E gastonan aki a baha caba for di 2018 cu riba 20 miyon florin. Aworaki e placa ta bay caminda mester den e departamentonan gubernamental, a agrega.

Pa loke ta Ministerio Publico, a bisa, e no ta na altura di cuanto personal lo tin mester di dje pa nan por ehecuta nan maneho. Pero pa e proyecto specifico, cu ta cobramento di boet y traha ariba un solucion duradero, akinan mester di un hende pa e proyecto y esey a wordo duna.

Apesar cu tin e presion di Hulanda, realidad ta cu Parlamento ta para pa mas polis wordo emplea otro aña, pa mas trahadornan na KIA, mas bombero, etc, cual ta dienstnan cu no por wordo neglisha.

Tjon tambe bisa cu no por ta asina cu Hulanda ta neglisha un Sociaal Crisis Plan, den cual solamente pa dos aña largo, 51 persona a wordo emplea y cu ta echt e personal cu e veld mes indica cu nan tin mester  di dje pa surpasa e retonan cu nan ta confronta.

‘Mi ta haye condenabel cu Hulanda ta keda insisti cu no por emplea personal den bo hoge colleges van staat, den e caso aki por ehempel Ministerio Publico, den bo orde dienstnan y tambe den e caso aki den e departamentonan cu ta cay den e cadena social”, parlamentario Tjon a declara.

- Advertisement -

DUNA COMENTARIO

Please enter your comment!
Please enter your name here