ORANJESTAD (AAN): For di tur distrito, por a mira presencia di fielnan Catolico presente na Playa. Esey ta pa asina celebra e fiesta na honor di San Francisco di Asis, y tambe observa e di 100 aña di consagracion di Misa di Playa.
Prome cu e fiesta solem a cuminza, tabatin un procesion cu a sali 6:15 pm for di Centro Educativo Cristian. E imagen di San Francisco di Asis a habri e procesion. Esaki a bay acompaña pa un orkesta, como tambe Obispo Mgr. Secco, y diferente Pastoor, laiko, creyente, mucha y mas.
San Francisco, a nace na Assisi, Italia na aña 1181, y tabata yiu di Pietro Bernardone y Pica.
San Franciso a muri riba 4 oktober 1226 y a worde canoniza dos aña despues pa Papa Gregorio IX.
Su carisma, compasion y amor pa creaccion di Dios, a hacie un di e figuranan mas popular di cristianismo.
