Home Parlamento Pronto lo por haci pago di boetnan online

Pronto lo por haci pago di boetnan online

69
0
SHARE
- Advertisement -

Parlamentario Tjon: OM tin proyecto den ehecucion

ORANJESTAD (AAN):  Parlamentario Rocco Tjon a declara na DIARIO cu Parlamento di Aruba tin e rol di keda controla y haci pregunta, entre otro, den e Comision Fiho di Asuntonan Hudicial, pero ta cosnan cu tin di haber cu ehecucion.

A bisa cu boetnan cu ta wordo duna pa loke ta traficacionnan den trafico tin ora e ta tarda hopi prome cu e boetnan wordo procesa. Te hasta tabata tin un tempo den Cuerpo Policial caminda a bin un peticion pa no manda asina hopi boet mas pasobra Ministerio Publico e tempo ey no por a procesa esakinan.

Segun Tjon, ya caba e proceso a wordo inicia pa mehora e sistema aki caminda Ministerio Publico tabata tin dos aspecto cu nan tabata falta. Un ta personal y e otro tin di haber un tiki cu tecnologia.

Ya caba tin personal cu a wordo emplea pa atende cu e aspecto aki specificamente. For di OM a haya sa cu gran parti di boetnan cu mester a wordo cobra y no por a wordo cobra, aworaki parti di e retraso ey a wordo yuda, e parlamentario a indica.

Na mesun momento, a splica, tin un proyecto cu a wordo ehecuta pa asina a largo plazo mehora e aspecto aki y a traves di tecnologia y software pagonan lo por bay wordo haci online. Esey no solamente ta facilita e retrasonan, pero tambe ta pa e persona envolvi mucho mas mihor.

Na Parlamento tambe ta yega e kehonan relaciona cu kier haci e pagonan, pero simplemente no por pa diferente motibo den e proceso. Tur e aspectonan aki aworaki ta bay wordo resolvi door di e proyecto cu ya caba a wordo inicia na Ministerio Publico, Rocco Tjon a duna di conoce.

E proyecto ya caba ta andando. E siman aki lo tin un reunion di e comision fiho di Husticia y esaki lo ta un di e topiconan cu lo wordo trece dilanti y cu lo bay elabora ariba dje cu Minister di Husticia.

- Advertisement -

DUNA COMENTARIO

Please enter your comment!
Please enter your name here