SABA a cera Siman di Nos Grandinan cu un High Tea Party hopi ameno

ORANJESTAD (AAN) – Den entrevista cu Yvonne Geerman, Begeleider di Actividadnan den e Centro di Cuido SABA San Nicolas, a duna DIARIO informacion tocante e ciere di e Siman di Nos Grandinan, cu un ameno High Tea Party.

Na a celebra cu participacion di mas of menos 30 persona hunto cu e personal, cu colaboracion di sra. Trina Werleman cu ta e boluntario cu ta yuda den SABA San Nicolas.

Sra. Geerman a menciona cu e Siman di nos Grandinan a cuminza Dialuna cu un Santo Sacrificio di Misa, Diaranzon e grandinan a disfruta di un lunch na Manchebo, cu ta cortesia di Women’s Club, y a cera cu High Tea Party cu tabata hopi leuk.