Home Salud Señora pashent di cancer cansa di warda pa haya tratamento

Señora pashent di cancer cansa di warda pa haya tratamento

912
0
SHARE
- Advertisement -

Cada dia cu pasa ta un chens menos di haya un tratamento rapido

ORANJESTAD (AAN): DIARIO a haya sa cu tin un caso di un persona di edad cu a wordo diagnostica cu cancer algo mas cu un luna pasa y te ainda nada no a wordo haci pa e cuminza haya tratamento.

Despues di 4 aña di bay cerca diferente medico aki na Aruba, Colombia, y aki na Aruba, e specialista a bin haya sa cu e señora aki tin cancer.

Pero e parti lamentable di esaki ta cu te dia di awe, e señora aki no a haya indicacion, ni un carta, ni contesta di parti di AZV relaciona cu su tratamento pa e cancer cu e ta padece.

Casonan asina no ta algo pa neglisha. Un dia cu pasa por bira un dia menos. Kiermen, cada dia cu pasa ta un chens menos di haya un tratamento rapido pa su malesa.

Den pasado, tabata tin te hasta casonan den corte unda hues a dicta cu bida di un pashent no por wordo neglisha. Pesey ta na su lugar pa ora un pashent wordo diagnostica cu  un malesa, e haya sa mesora kico ta e procedura, kico ta e tratamento cu lo haya y na ki momento ta cuminza cun’e.

Ta spera cu e persona aki por haya un contesta mas lihe posibel di parti di su specialista of di AZV pa e haya e tratamento cu e mester.

Manera a menciona, den pasado recien, un pashent a acusa su docter di ta negligente di duna tratamento oportuno y adecua contra e cancer di tripa cu e tabata sufri. Te hasta Tucht College a cay aden y a respalda e keho di e pashent y a opina cu e docter a actua den un manera “inexperto”. Pa e tratamento inadecua y retraso innecesario di e docter, e medico aki, na opinion di Tucht College tabata completamente iresponsabel y a ‘ranca orea’ di e docter aki.

Den e caso aki, ya caba 4 siman a pasa y ainda e señora pashent di cancer no sa nada relaciona cu su tratamento. Algo cu sigur no mag sosode.

- Advertisement -

DUNA COMENTARIO

Please enter your comment!
Please enter your name here