Home Parlamento Ta bay presenta mocion pa exigi presencia di tur miembro di Parlamento...

Ta bay presenta mocion pa exigi presencia di tur miembro di Parlamento na pia di trabao

654
1
SHARE
- Advertisement -

‘No work, no pay”

ORANJESTAD (AAN):  Parlamentario di Fraccion di MEP, Edgard Vrolijk durante nan conferencia di prensa a referi na un mocion di 2013 door di AVP unda cu nan a pidi pa haci cambio pa locual ta trata e reglament van orde di Parlamento.

A indica cu hunto cu parlamentario Tevreden, e siman aki, cu hopi hende a bisa cu nan ta cu vakantie, nan a traha ariba dje y sigur ariba e peticion di e mocion di AVP, unda ta bisa cu trabaonan parlamentario tin un funcion di ehempel pa comunidad.

Tin varios parlamentario cu ariba un base regular no ta presenta na trabao y ta urgi parlamento pa: exigi presencia di tur miembro di parlamento na pia di trabao, pa tur aspecto di trabao y sigur ora tin tratamento di reunionnan publico, a bisa.

Den esaki a trece un cambio cu ta bay entrega na parlamento. E ta kere cu pa fin di luna esaki ta bay keda cla.

Vrolijk a remarca cu parlamento ta e organo di mas halto di Aruba cu ta pidi ‘no work no pay’ y den esey tambe a haci e cumplimento cune unda cu e reunionnan publico lo mester ta obligatorio.

Den caso cu e parlamentario no cumpli cu esaki y den dado caso tambe cu e reunion a cuminza y ta bandona sala y no tin quorum mas, pasobra e miembronan di parlamento ta forma parlamento di Aruba y no e miembronan di un coalicion of oposicion, a remarca.

“Si e reunion para, esnan cu a perhudik’e  tin cu paga un suma”, e parlamentario a indica.

Ta warda advies ariba esey pa wak con ta haci’e completamente, a agrega.

- Advertisement -

1 COMMENT

  1. Un bon mocion, pero pakiko e mester a dura asina hopi tempo? Pasobra den anterior MEP no kier a firma? Of AVP no a sigui cu e mocion? OLA pa UN ta Ola pa TUR!!!! Y mester bin dilanti via un lista, ken ta riba loonlijst di gobierno y kiko nan ta hasi y gana. Transparantie pa pueblo mira. Mescos cu miembronan di parlamento e otro trahadornan riba lista di gobierno tambe mester presenta na trabou.

DUNA COMENTARIO

Please enter your comment!
Please enter your name here