Home Impuesto Via ‘Bo Impuesto’ entrega di BBO y Loonbelasting ta bay ta online

Via ‘Bo Impuesto’ entrega di BBO y Loonbelasting ta bay ta online

101
0
SHARE
- Advertisement -

ORANJESTAD  (AAN): E portal ‘Bo Impuesto’ di Departamento di Impuesto a wordo lanza oficialmente Diamars y durante un conferencia di prensa, Farida Feliciana Figaroa , project manager di digitalizacion, a splica cu e idea di Bo Impuesto a wordo lanza mas tanto pa por brinda e clientenan un servicio adicional.

“Paramento den rij tur luna pa busca un stempel ta bira cos di pasado”.

“E ta un portal cu ta directamente gelink na nos sistema cu ta haci henter e proceso di automatizacion di tur e aangifte y aanslagen cu nos ta saca”.

“Nos ta trahando cu companianan di exterior, pa garantiza cu tur e seguridadnan ta na nan lugar, pa ora cu e cliente haci su entrega di aangifte, e ta na un forma sigur”.

“Den e prome fase di e proyecto nos ta duna e cliente e facilidad pa entrega su aangiftenan mensual, pues tur esnan cu mester entrega e BBO y Loonbelasting dia 15 di luna, por haci esaki online”.

Esaki segun Figaroa, kende a indica cu e portal ta hopi simpel y ‘user friendly’.

Ta bay haci pronto tur test, incluyendo stress test y penetration test, pa sigura cu si un cliente kier login  dia 14 of dia 15 ultimo ora, e sistema por acapara esey.

“Un di e metanan mas principal ta pa haci e aangifte via portal mas facil pa e cliente, mientras cu nos ta bay tin un helpdesk disponibel tambe”, segun Figaroa.

E servicio di portal ta bay ta di 7’or di mainta te cu 7’or di anochi di Dialuna te Diabierna, pa asina e cliente por haya ayudo si nan tin mester di esaki.

- Advertisement -

DUNA COMENTARIO

Please enter your comment!
Please enter your name here