Home Parlamento “A purba di silencia y intimida mi cu e fin di sostene...

“A purba di silencia y intimida mi cu e fin di sostene y proteha e coalicion actual”

1136
0
SHARE
- Advertisement -

Daphne Lejuez:

ORANJESTAD(AAN): Diaranzon Parlamentario Daphne Lejuez a yama un conferencia di prensa atardi, pa anuncia cu el a dicidi di bira Parlamentario Independiente.

El a lesa un comunicado cu el a skirbi, den cual cu el a bisa entre otro cu el a cuminza su carera den politica cu e proposito di salvaguardia nos constitucion, nos hendenan y bienestar di Aruba como candidato riba lista di MEP y despues como Parlamentario di Aruba.

“Semper mi a “stand up for what is right” (para pa locual ta husto y corecto) y ta mi intencion pa sigui haci esaki semper pa mi mes, pa mi famia y pa mi pais”.

“Na 2017 mi a huramenta dilanti Gobernador pa semper hasi mi trabou a base di principionan di honor, cu un consenshi limpi y sin presion of influencia externo (incluyendo di partido, coalicion of di podernan economico), pasobra e interes general di henter Aruba mester keda sirbi”.

Esaki segun Lejuez, kende a indica cu como legislador ta su deber y obligacion pa amplia su conocemento, particularmente conocemento huridico.

“Pa e motibo aki mi a scoge pa tuma e reto pa banda di mi trabao como Parlamentario cuminsa atende facultad di ley na Universidad di Aruba”.

“Recientemente den tratamento di ley di Serlimar, mi persona, conhuntamente cu conseho huridico di instancianan manera Raad van Advies y di otro expertonan tanto huridico como constitucional, a detecta inconsistencianan den e structura legal di e ley unda cu esaki lo por hiba na consecuencianan cu lo por mina e derechonan di e ciudadano, unda cu segun interpretacion di e ley, lo otorga un compania estatal e poder di cobra pa un ‘afvalstoffenheffing’, es decir, belasting pa desperdicio, sin fundamento legal of declaracion di destinacion conciso con e fondonan aki lo wordo utiliza”.

“Adicionalmente e ley tambe lo otorga e minister en cuestion e autoridad absoluto pa cambia e tarifa di e afvalstoffenheffing aki sin intervencion di gobierno of Parlamento”.

“E falta di transparencia aki ta un punto di preocupacion grave, cual mester keda adresa, y na unda a purba di silencia y intimida mi cu e fin di sostene y proteha e coalicion actual”.

“A sabiendas cu e formulacion di e concepto di ley aki tambe lo mina e derechonan di e ciudadano pa por haci bezwaar/entrega reclamo ora di tin un obhecion na un posibel cobranza”.

Esaki segun e ex parlamentario di MEP, kende a sigui bisa cu esaki lo no ta husto pa e ciudadano.

“Mientras e ley ta exigi un aumento di entrada pa maneho di Serlimar, te dia di awe no a logra di substancia esaki door di produci un Business Plan, ni tampoco un plan operacional of di contingencia den caso di incidentenan ambiental. Mucho menos, un plan financiero cu ta defini e pakico di un aumento di tarifa y introduccion di un afvalstoffenheffing (impuesto), sin presenta un specificacion di e gastonan adicional”.

 

- Advertisement -

DUNA COMENTARIO

Please enter your comment!
Please enter your name here