Home Social Aki dos siman Fundacion Movemento ta Bida tin Song festival 60+

Aki dos siman Fundacion Movemento ta Bida tin Song festival 60+

61
0
SHARE
- Advertisement -

ORANJESTAD (AAN):  Diasabra dia 23 di november awor tur e cantantenan 60 + cu ta partisipa den e songfestival di Fundacion Movemento ta Bida hunto cu UNOCA ta cla pa duna un bataya fuerte ariba e stage di Renaissance Ballroom.

Un total di 15 cantante bou di guia di e maestro Roy Sneek y companja pa e orquesta Papito y su Biba lekker Band lo laga e ballroom trill y ya caba cada un di nan a busca un ayudo proffesional pa ta sigur cu nan no ta faya.

Tres aña pasa esaki a worde organisa pa promer biaha y ariba peticion FMTB ta bin cu un otro songfestival 60 + pero e anja aki cu ayudo di Unoca full na Papiamento. Di tumba pa wals y balada tur ritmo lo ta presente den nos dushi idioma Papiamento. Tur esnan cu kier balia por wel di prepara nan mes pasobra ta bai sigui te cu 1 or cu e Nochi di Baliadornan. Pa promer biaha lo tin un actividad di 7 ora nonstop cu show y baliamento.

E artistanan 60+ ta : Juan Carlos Gil, Freddy Maduro,Rosa Kelly,Rita Thomas,Lilian Besselink,Ludwina Geerman,Rubia Maduro,Benjamin Petrochi,Victoria Andrews,Roberto Orman,Benedicto de Cuba,Wim Steenhuis,Rudolf Lesire,Gloria Tujeehut, Fechi v/d Biezen.

Fundacion Movemento ta Bida ta sumamente orguyoso di tur e cantantenan aki y ta invita un y tur pa bin presencia esaki diasabra 23 di November na Renaissance Ballroom.

Tur cos ta cuminsa ya pa 6 or di atardi en punto y durante e festival y despues por balia cu Papito y su Biba  Lekker Band, NOS CU NOS, REFLECTION BAND y MUSICAL TIME.

Bin apoya nos grandinan y balia cu e mihor Bandanan di tur tempo y alabes bo ta yuda Fundacion Movemento ta Bida yuda otro.

- Advertisement -

DUNA COMENTARIO

Please enter your comment!
Please enter your name here