Home General Aruba lo enfrenta Reino cara na laira e siman aki

Aruba lo enfrenta Reino cara na laira e siman aki

162
0
SHARE
- Advertisement -

E dignidad di Status Aparte lo resalta na e encuentro

*Companianan di pueblo mester aporta cu placa di pueblo

*Prome Ministro Wever-Croes a logra solucion

ORANJESTAD(AAN)–E dignidad di Status Aparte di Aruba lo bini dilanti ora Ministro Presidente Evelyn Wever-Croes enfrenta Gobierno di Reino Hulandes e siman aki y demostra cu Aruba por presenta un solucion pa e crisis actual.

Cu Reino ta conoci cu e problema serio cu Aruba a enfrenta for di momento cu Aruba a wordo confronta cu e crisis actual provoca pa abuso di placa di pueblo dor di gobierno anterior, ta bini dilanti den e forma cu a duna Aruba tempo.

E Comision di Supervision di Reino tambe a mustra su boluntad pa yuda Aruba baha gastonan y entre otro a mustra riba e cantidad di overtime cu ta un peso pa Aruba.

“Aruba lo enfrenta Reino cara na laira,” a wordo indica na DIARIO dor di informantenan sumamente satisfecho cu por a yega na un presupuesto cu Aruba por carga sin cu medidanan pisa mester kita aliento di pueblo, a wordo mustra.

E hecho cu Ministro Presidente Wever-Croes a laga e companianan di Pueblo, conoci como compania di Gobierno, aporta cu placa ta mas cu normal cerca expertonan.

“E companianan ta di pueblo. Por a mira cuanto amigo politico di gobernantenan a uza nan pa haya posicion increibel. Awor nan tambe mester yuda pueblo di Aruba cu mester por haci uzo di su propiedad pa sali for di e situacion di angustia cu e ta pasa,” a wordo indica.

Si Reino mester insisti cu e ta duna aanwijzing, Aruba por demostra cu el a haci su trabou y si ta necesario apela e aanwijzing cu dignidad, manera a wordo mustra.

Di otro banda a comprende, cu e forma cu CAFT a mustra di ta dispuesto pa yuda yega na un solucion, ta un indicacion cu Aruba y Reino por yega na un solucion.

- Advertisement -

DUNA COMENTARIO

Please enter your comment!
Please enter your name here