Home Politica AVP ta denuncia persecusion politico y abuso contra contratistanan

AVP ta denuncia persecusion politico y abuso contra contratistanan

103
0
SHARE
- Advertisement -

ORANJESTAD (AAN): Dialuna mainta tempran, Partido AVP a sali pa bay sostene otro grupo di ciudadano cu ta worde persigui door di gobierno di MEPORED.

AVP a mustra cu nan a lesa e cartanan cu e contratistanan chikito a haya. Tres carta di retiro cu e tres hende den pueblo di Playa Pabou a haya, ta di hendenan cu ta worde identifica cu nan tin e color berde. Esaki ta nada otro cu persecucion politico.

Manera e contratistanan a bisa, AVP ta duda cu no tin otro hende cu ta duna servicio na Serlimar of DOW cu no debe belasting. Hopi contratista grandi cu ta duna servicio na Serlimar of DOW probablemente tambe tin reto pa paga nan belasting.

Pesey ta hopi inhusto cu un señor grandi manera Francisco, cu no ta facil pa e haya trabao, cu tin un hipoteca pa paga FCCA, tin auto pa paga, ta hay’e ta perde su trabao.

A puntra kico e contratista a haci pa haya splicacion pakico a kit’e.   Su abogado a manda carta pa DOW pero e no ta haya contesta. Pero nan no ta kere cu ta DOW.  AVP ta kere cu ta e gobernantenan cu ta buscando vacatura den seno di DOW y Serlimar, no ta mira e dolor cu nan ta causando.

AVP a splica cu nan a goberna ocho aña sin mishi cu un tata of mama di famia. Hopi di nan tabata expresa nan mes politicamente na radio, tabata bay tur caminda, pero nunca nos a mishi cu nan.
Nos tabata hasta haya reclamo di hendenan di nos partido cu tabata reclama di con Bo ta laga fulano tal sigui traha si tur dia e ta ataca Bo, tur dia e ta lastra Bo.

AVP no a mishi cu nan pasobra nan tin derecho den e pais aki. Nan tin famia cu nos tin cu tene cuenta cun’e. Esey ta loke nos a haci semper.

Partido AVP ta convenci cu ta un excusa ta usa pa kita hende di trabao.   Pa AVP ta inaceptable cu ta usa excusa pa kita hende for di trabao. Ta excusa nan ta. Den e carta di Papi Palm ta poni cu nan a dune dos waarschuwing caba.

Nan a dun’e 1 na juli, 1 na augustus y 1 na september y nan ta bis’e cu el a haya tres waarschuwing. Pasobra den e contract ta poni cu esey ta motibo pa kit’e. Ta malusa un parti di e contract pa abusa di hende chikito, pasobra Bo kier eherce Bo vengansa politico.

AVP a mustra cu nan ta para aki hunto cu e contratistanan chikito, cu pueblo di Playa Pabou y otronan cu ta para solidario, pa bisa cu nos no ta acepta e abuso aki.

 

- Advertisement -

DUNA COMENTARIO

Please enter your comment!
Please enter your name here