ORANJESTAD (AAN): Diadomingo anochi den un Harbor Arena completamente yen por a presencia un seccion den Premium VIP dedica completamente pa Wind Creek Casinos Aruba.
Un exitoso campaña cu a resulta den un concierto romantico pa e hungadornan di Wind Creek Casinos cu un trato VIP.
For di e momento cu e promotornan a anuncia e gran concierto di Marco Antonio Solis na Aruba den luna di November, e team dinamico di Wind Creek Casinos a crea un campaña atractivo pa tur su hungadornan.
E hungadornan cu a acumula mas tanto punto hungando na Wind Creek Crystal Casino y Wind Creek Seaport Casino por a gana un entrada Premium VIP pa dos den e seccion di Wind Creek Casinos.
Durante di e gran apertura di Wind Creek Seaport Casino a anuncia e 30 hungadornan cu mas punto acumula y asina otorga nan entrada VIP.
Riba e mesun anochi aki tambe a entrega e 10 top hungadornan di casino nan entrada VIP pa disfruta asina di un anochi romantico.
Tur hende cu a yega Harbor Arena por a mira e presencia di Wind Creek Casinos Aruba indicando un entrada special pa e hungadornan invita.
Na yegada cada hungador hunto cu nan invitado a worde ricibi cu champaña, algun snacks exquisito for di e team culinario di Renaissance Aruba Resort & Casino pa duna nan e sentimento di Premium VIP.
Despues nan a worde hiba pa nan mesa y asina disfruta di e gran concierto di Marco Antonio Solis. Un trato VIP henter anochi cu premium open bar y snacks.
Pa Wind Creek Casinos Aruba esaki tabata di sumo importancia di por a duna back na su fiel hungadornan y mustra nan e aprecio pa hunga continuamente eynan.
