Den e siguiente 5 pa 10 aña no tin otro alternativa cu traha vivienda cu ta bay halto

    353
    0
    SHARE
    - Advertisement -

    Ing. Haime Croes director DIP:

    ORANJESTAD (AAN) –Ing. Haime Croes, Director di DIP, a señala den conferencia di prensa, cu e prognosis cu DIP a pone su dilanti ta bayendo bon.

    El a splica cu teniendo cuenta cu 2018 y 2019 tin un total awo di 7.800 hende cu e aña cu ta bin DIP kier “haal in”, ya cu nan kier yega na cero e aña cu ta bin.

    Esaki por logra, danki na gobierno cu aworaki ta bezig cu automatizacion, na unda cu di 2012, 2013 bay ariba nan por purba link cu Censo y Kadaster, por minimiza e Aktenan completamente.

    Director di DIP a agrega teniendo cuenta cu di 1992 pa aworaki hopi peticion tabata di hendenan grandi cu mester tabata tin nan tereno pero door di edad, nan ta cay afo, asina mes gobierno ta preparando proyectonan cu nan por bin toch na remarca pa un cas.

    Esaki tabata e aktenan cu a wordo revisa y cu ing. Croes ta gradici e empleadonan di DIP cu demostra hopi insistencia pa a logra e meta aki. Pero DIP tin proyecto pa futuro tambe. Y esaki ta cu nan tin ROPV y un ROP cu ta mustra na unda nan mester traha cas y a base di esey mester tene cuenta cu medio ambiente, pero por sa atravez di ROPV cual ta e terenonan pa traha cas. Door di haci calculacion y wak con e aspecto di demografia ta bayendo, por ripara cu Aruba tin un situacion agudo cu te 2025 cu ROPV ta mara na dje, di mas of menos cinco mil persona cu ta bay tin necesidad di cas den e cinco añanan venidero.

    A base di esey a bay wak kavelnan y a bin ripara cu no por keda duna hende mas, un parcela pa e siguiente añanan y asina a dicidi di bin cu proyectonan di vivienda cu ta bay halto.

    Aruba no ta crece y e teritorio ta limita, sr. Croes a expresa, y a bisa cu pesey aworaki tin diferente proyecto bunita y un di nan grandi ta na San Nicolas, unda lo combina diferente tipo di vivienda incluyendo e modelonan na halto, pasobra DIP ta convenci cu den e proximo cinco pa diez aña lo no tin otro alternativa, unda na lugar di duna tereno individual lo mester duna e ciudadano un unit, a base di e proyectonan cu gobierno lo desaroya.

    - Advertisement -

    DUNA COMENTARIO

    Please enter your comment!
    Please enter your name here