Home Gobierno E asina yama “Ley di Plastic” ta na Parlamento pa wordo trata...

E asina yama “Ley di Plastic” ta na Parlamento pa wordo trata e dianan benidero

330
0
SHARE
- Advertisement -

Minister di Infrastructura Otmar Oduber:

ORANJESTAD (AAN) – Den entrevista cu DIARIO, Minister di Infrastructura, Medio Ambiente y Desaroyo Teritorial, a comenta cu e asina yama Ley di Plastic ta na Parlamento aworaki pa e wordo trata.

Gobierno a anuncia e maneho, dia 1 di Januari 2019, sperando cu dia 1 di Januari 2020 lo por a cuminza cu e implementacion di e ley, pesey e ta spera cu den e dianan venidero e ley wordo trata den reunion publico, ya cu e ta completamente cla. E mandatario ta spera cu dia 1 di Januari 2020 lo por cuminza ehecuta e ley aki.

Mientras tanto e dignatario no a para keto y recientemente a reuni cu varios importado di material di plastic, y nan tabata hopi positivo cu implementacion di e ley, despues cu prome nan tabata tin hopi preocupacion.

No obstante hopi di nan ya caba a haci cambio y a prepara pa e maneho nobo aki drenta na vigor dia 1 di Januari proximo.

Tin comerciantenan cu a cuminza importa e productonan alternativo, pa asina evita e uso di asina yama “single use plastic”. Den e ley ta wordo splica kico ta wordo identifica como “single use plastic”, e mandatario a splica.

Minister Otmar Oduber a splica tambe cu e proceso ta den su prome fase, pasobra no ta asina cu tur cos di plastic ta wordo nenga di biaha, pasobra e ora ey mester para e produccion di awa den boter cu ta wordo bendi, of yogurt cu tambe ta bin den pot di plastic, etc.

Pues, e ley ta bay describi exactamente kiermen cune. E mandatario a subraya cu e ta mas tanto pa loke ta trata cups, tayo, forki, pijp (straw), y tur producto di foam.

Esaki ta e prome parti pa cuida Aruba su medio ambiente. Asina e mandatario a sigui bisa. El a expresa cu Aruba a wordo elogia grandemente, pa e paso aki cu gobierno a tuma.

Segun e minister Aruba a tarda un poco pa implement’e, pero siman pasa gobierno a manda e ley completamente cla pa Parlamento, cu contesta riba e diferente preguntanan cu tabata tin.

Tambe a reuni cu e stakeholders pa por implementa e ley mas pronto posible. No ta asina cu lo para importacion di locual drenta prome cu 1 di Januari 2020, pero a partir di e fecha aki si no por importa mas e productonan cu e mandatario a menciona.

Lo tin un periodo transitorio pa e importadornan por haci uso di e stock cu nan tin ainda, pero despues di e prome seis lunanan di 2020 e ora ey si, e benta di e productonan concerni ta wordo prohibi.

- Advertisement -

DUNA COMENTARIO

Please enter your comment!
Please enter your name here