Fanaticonan ferviente a keda desapunta di keda afo di concierto

    3177
    0
    SHARE
    - Advertisement -

    ORANJESTAD (AAN): Manera por a lesa riba prome pagina di DIARIO, numeroso fanatico di Marco Antonio Solis a keda desapunta cu nan a paga asina hopi, pero no por a drenta.

    Pasobra nan “intermediario” femenino kende a haci comosifuera e ta bay yuda nan ricibi pago poco-poco pa asina nan por bay mira e concierto, no a come-across cu e organizadornan.

    Palabranan hopi pisa y tambe gritonan por a scucha na entrada.  Pero e organizadornan di e concierto simplemente no por a laga nan drenta.  Pasobra primordialmente ningun di nan tin ticket.

    Nan a keda desapunta ora cu a bin tende, cu nunca e muher di inicial C.J.A. di 40 aña di edad no a transferi e placa pa e 12 mesanan di VIP.  Algun di e mesanan costa 7.000 (pa 10 persona).  Un par di e mesanan aki costa 10.000 Florin.

    Algun cu ya a caba a paga full nan stul pa e mesa desde luna di Juli, tabata sperando riba nan ticket.  Pero cada biaha ta haya un storia diferente como excusa.  Ultimo simannan cada rato e storia ta cambia.  Finalmente tur hende a haya tende cu Diadomingo 10 di November den oranan di merdia nan lo haya nan ticket y nan wrist-band.

    Diadomingo a yega, pero henter dia e no ta contesta yamada, ni whatsapp, y no tabata localizable.  Fuentenan a splica cu como 100.000 Florin a wordo poni den su poder, y a resulta cu e no a paga ni 1 cent preto na e organizadornan.  E mes lo a keda cu e placa?  E lo tin e placa ainda pa debolbe na tur hende?

    Fundacion SMAC a emiti un boletin Dialuna mainta indicando cu nan lo vigila e asunto aki di cerca.  Esaki debi cu ta hopi hende a expresa nan disgusto y hasta nan deseo pa SMAC kita e titulo di “Señora Carnaval 2019” di e muher C.J.A. aki.

    Tambe riba Dialuna, nan a mira e muher C.J.A. ta drenta oficina di un compania cu ta duna fianza den John G. Emanstraat na Playa.  Esaki ya caba a trece hopi speculacion, esta cu kizas e lo no tin e placa mas y awor ta bay busca un  prestamo pa paga bek.

    Un persona a indica con decepciona el a keda, cu e no por a bay mira su idolo di Marco Antonio Solis.  Tabata un deseo di hopi tempo di dje pa mira e artista aki.

    E tabata bastante preocupa di hopi rato caba cu e no a haya un ticket ora cu el a haci e pago completo.  Pero C.J.A. a sigure cu na porta lo haya e ticket.

    Full su weekend a daña, y a keda desapunta cu envez di sinta y enjoy e concierto, e mester a cana bay bek na su auto.

    - Advertisement -

    DUNA COMENTARIO

    Please enter your comment!
    Please enter your name here