Hunto cu IOE ATIA a organiza workshops riba ‘Youth Employability and Skills Development’

    51
    0
    SHARE
    - Advertisement -

    ORANJESTAD (AAN): ATIA a organiza un evento hunto cu International Organization of Employers (IOE), cu a tuma lugar Diahuebs y awe Diabierna ta tumando lugar.

    Durante un conferencia di prensa Director di ATIA Michelle de Groot a splica cu ta trata aki di workshops riba ‘Youth Employability’ y ‘Skills Development’ den Caribe y ki rol organizacionnan manera ATIA tin den esaki.

    “Den e workshops lo participa representantenan di organizacionnan di negoshi y dunadornan di trabao di mas o menos 18 pais den Caribe, incluyendo entre otro Antigua, Anguilla, Bahamas y Bermuda”.

    Esaki segun de Groot, kende a indica cu representantenan di ILO tambe ta bay ta presente.

    Pa loke ta IOE, e ta un organizacion internacional di mas di 150 miembro di mas di 140 pais rond mundo, cu otro aña ta cumpli 100 aña di existencia.

    “IOE su vision ta pa crea un ambiente economico sostenible den  tur pais rond di mundo, promoviendo free enterprise cu ta husto”.

    “Algun di e temanan di e organizacion aki ta concentra riba dje ta entre otro desaroyo sostenible, derechonan humano y employment skills”.

    Esaki segun e director di ATIA, kende a sigui bisa cu ATIA ta sumamente orguyoso di a wordo escogi pa yuda organiza e evento.

    Mathias Thorn di IOE tambe a hiba palabra Diahuebs y el a splica cu via su miembronan IOE ta representa mas cu 50 miyon compania.

    “Esaki ta duna nos un lugar na mesa y e posibilidad pa trece cambionan importante”.

    Esaki segun Thorn, kende a indica cu e workshops ta pa yuda e companianan haya e habilidadnan cu nan tin mester di dje pa crece y keda competitivo.

    Wayne Chen di Caribbean Employers Council (CEC) tambe a hiba palabra Diahuebs y el a splica cu mester tene cuenta cu e hecho cu e sistema di educacion na varios pais no a desaroya su mes suficientemente pa cumpli cu e necesidadnan di e mercado.

    “Hopi studiante despues di caba scol secundario ta bay sigui un estudio mas halto y ta gradua, pero ora cu nan haya un trabao ta resulta cu e dunador di trabao no ta satisfecho cu nan, pasobra sea nan no tin e habilidadnan necesario of nan no tin e actitud corecto pa e trabao”.

    Esaki segun Chen, kende a indica cu tin casonan di excelencia si y e reto ta pa expande esaki.

    - Advertisement -

    DUNA COMENTARIO

    Please enter your comment!
    Please enter your name here