Home Salud Koningin Wilhelmina Kanker Fonds ta organiza charla tocante cancer di prostaat y...

Koningin Wilhelmina Kanker Fonds ta organiza charla tocante cancer di prostaat y cancer di pecho

16
0
SHARE
- Advertisement -

Diasabra awor na Alhambra

ORANJESTAD (AAN):   Koningin Wilhelmina Kanker Fonds su meta primordial ta pa informa y educa. Den cuadro di esaki ta organizando diasabra awor 16 di November un charla tocante cancer di prostaat y cancer di pecho, asina Lelicia Tromp, Vocero di KWF a indica durante un rueda di prensa dialuna.

E charla ta bay tuma lugar den e ballroom di Alhambra di 9 am te cu 11:30 am. E dia aki ta bay tin diferente orador. KWF lo splica kico nan ta haci diariamente den comunidad, pero ta bay tin tambe diferente specialista.

E prome specialista lo ta Dr. Williams, kende ta radiologo. Ta bay tin tambe Dr. Daryanani, kende ta ciruhano y oncologo. Tambe lo conta cu Dr. Leon, kende ta un urologo y tambe lo tin participacion di Fundacion Prostaat.

E dia aki entrada ta gratis. Ta importante pa comunidad wordo informa y educa pa asina hiba un bida mihor, mas saludabel y si por liber di cancer, Tromp a expresa.

- Advertisement -

DUNA COMENTARIO

Please enter your comment!
Please enter your name here