Kustwacht a intercepta boto cu venezolanonan ilegal

Trafico di hende ta sigui tuma lugar

ORANJESTAD (AAN):  Diasabra anochi radar di Warda Costa a detecta un embarcacion sospechoso cu tabata tin cu Aruba como destino. E destino aki no tabata uno oficial, pero si e costa di e isla.

Centro di Rescate y Coordinacion di Kustwacht a manda inmediatamente un patruya na e area unda a detecta e boto.

Na nan yegada nan a topa un boto cu siete homber indocumenta, tur di Venezuela.

Tur esnan abordo a wordo aresta door di personal di Kustwacht.

E capitan y su ayudante, a keda deteni bao sospecho di trafico di hende.