Home Gobierno “Ley di single use plastic” ta wordo pasa awe pa Parlamento

“Ley di single use plastic” ta wordo pasa awe pa Parlamento

300
0
SHARE
- Advertisement -

Minister Otmar Oduber:

ORANJESTAD (AAN) — Minister di Infrastructura, Medio Ambiente y Desaroyo Teritorial, den conferencia di prensa di gobierno, dialuna 18 di November, a expresa cu awe tambe ta un dia hopi importante pa Aruba.

Esaki pa motibo cu Parlamento lo pasa un ley nobo cu ta e asina yama “Ley di single use plastic” cu ta un ley di cual a papia hopi tempo riba dje, unda hopi combersacion a wordo hiba cu e stakeholders.

Siman pasa a sinta cu e asociacion grandi di comerciantenan cu ta bende diferente di e productonan aki na Aruba, y incluso prome cu e ley a wordo trata mayoria di nos comunidad ya caba a adapta y na hopi lugar a stop e uso di pijp, cups di plastic y foam, y a cuminza importa alternativanan conforme e ley, pero tin cu ainda no ta compronde e ley completamente, pero si por mira un intento hopi grandi pa uza materia bio-degradable, cu den e ley ta wordo specifica miho.

E mandatario a splica cu tin productonan bio-degradable pero cu ta dura cinco of diez aña y esey no ta e idea.

Lo tin specificacionnan di loke kier logra pa Aruba na beneficio di nos medio ambiente.

Minister Otmar Oduber a expresa cu e gobierno aki ta tuma tur e pasonan pa salvaguardia Aruba su naturaleza, su flora, su fauna y du medio ambiente en general.

El a reitera cu diferente paso ta wordo tuma manera “built in nature” y e maneho cu awo a drenta na vigor.

- Advertisement -

DUNA COMENTARIO

Please enter your comment!
Please enter your name here