Home Gobierno Minister Otmar Oduber ta desmenti mentira y difamacionnan di AVP

Minister Otmar Oduber ta desmenti mentira y difamacionnan di AVP

246
0
SHARE
- Advertisement -

ORANJESTAD (AAN) – Minister Otmar a declara den conferencia di prensa, cu el a tuma nota di diferente declaracion di Partido AVP, y cu na cierto momento oposicion a yama e piscadornan hunto pa purba crea bao di nan, un cantidad di circunstancia cu no ta cuadra cu e realidad, den cuadro di Parke Marino.

E mandatario a desmenti categoricamente, e informacionnan cu a sali recientemente den un rueda di prensa cu sr. Eman a haci cu un par di piscado, unda tabata tin 15 candidato di AVP, y un cantidad di campañado, unda el a bisa cu Parke Marino ta stop y cu tin prohibicion di piscamento riba baranca, manera ta un tradicion na Aruba.

Minister Otmar Oduber a subraya cu esaki absolutamente no ta cuadra cu berdad y asina un cantidad di informacion cu a bin dilanti. El a bisa cu e ta contento cu e actual presidente di Fundacion Hadicurari, sr. Giel, e mes a aclarea cu e dolor cu e piscadornan tin di e fastball, ta esun cu Mike de Meza a pasa e piscadornan na 2016, na momento cu a pasa e ley cu a prohibi e pesca di un gran cantidad di especie cu, eigenlijk, no a wordo bon defini den e ley.

Oduber a splica cu esaki ta un ley riba cual Minister Romero, Minister Bikker y su mes persona ta trahando na e momentonan aki, pa por coregi esaki.

Tambe e mandatario a tuma nota cu Eman tabata sumamente activo e simannan aki, mustrando e dolornan cu tin dentro di e mesun partido AVP, pa loke ta trata e investigacionnan den e Caso Avestruz cu ta tumando lugar.

Esaki ta debi na acusacionnan cu tin pa malversacion y labamento di placa cu a tuma lugar bao di e gobernacion anterior, muy particularmente door di e minister di infrastructura anterior, unda tabata tin negoshi riba vergunningnan di tereno.

E mandatario a señala cu el a scucha di  Dowers y Sneek y otronan cu ta papia cu su persona lo a bende un tereno pa un suma di 370 mil florin. Esaki ta “non sense” y absolutamente no ta berdad, Minister Otmar Oduber a expresa.

“Si tin algo cu a tuma lugar cu no ta conforme cu reglanan y leynan cu tin, y si nan ta bisa cu tin prueba, nan por bay cune na Ministerio Publico y naturalmente OM lo actua mescos cu den e caso di sr. Sevinger, y di gobierno anterior, cu na e momentonan aki tin un caso penal cu a tuma lugar”, Minister Otmar Oduber a señala.

E dignatario a subraya cu como politiconan serio no por ta asina cu ora ta na nan desventaha nan no ta confia den OM, pero ora ta cumbini nan, nan kier pa tur sorto di investigacion tuma lugar door di OM.

El a splica cu e proceso den su caso tabata un tereno erfpacht, mas di 20 aña pasa, y cu mester a deshaci di dje pa un separacion cu a tuma lugar, un tereno cu tabata tin cuminzamento di construccion riba dje, y nada di haber cu e suma di 370 mil florin , pero tabata un suma di 15 mil florin cu tabata pa loke tabata tin poni riba e tereno. Minister Otmar Oduber ta lamenta cu un ex-minister di husticia ta presta su mes pa e tipo di difamacionnan aki.

- Advertisement -

DUNA COMENTARIO

Please enter your comment!
Please enter your name here